[مروة محمد فراج]

المشاركة الأصلية كتبت بواسطة ahmad khalid

بالنسبة للجدول عندى اكثر من اختيار
بس انتوا خدوا اللى يناسبكوا و عدلوه حسب ظروفكم لأنه مش دين يعنى
الجدول الاول
احنا عندنا 7 مواد فى 7 ايام يبقى مادة لكل يوم
بس يعنى فى ماده صغيرة زى الفرنساوى
خلاص يبقى الرنساوى مثلا نص يوم و النص التانى تشوف اللى متأخر فيه و تراجعه
بس عيب الطريقة دى هتيجى فى مادة زى الفيزياء هل هتعرف تذاكرها بليل؟
لو عندك القدرة يبقى توكل على الله و اختار الجدول ده
الجدول التانى "ده اللى انا شايفه ملائم نوعا ما و مجربه"
ذاكر فى كل يوم مادتين و ابدأ بالماده العلمية أفضل
و بكده مثلا الجدول هيكون
السبت فيزياء فرنساوى
الاحد كيمياء عربى
الاثنين رياضة / احياء عربى
الثلاثاء ميكانيكا / جيولوجيا انجليزى
الاربعاء فيزياء عربى
الخميس كيمياء انجليزى
الجمعه احياء و جيولوجيا / رياضة و ميكانيكا
و طبعا بالنسبة بتوع علمى رياضة فى يوم الجمعه هتكون مفيص على اخر اليوم فممكن تراجعلك على اى ماده حظ ولا حاجة
و انا حطيط يوم الجمعه مليان على اساس انه هيبقى فاضى
و طبعا ممكن تعدل فى الجدول ده على حسب ايام الدروس او ميولك لكل مادة بس المهم تكونوا عرفتوا الفكرة بتاعت الجدول ده
الجدول الثالث
تذاكر كل مادة مرتين فى الاسبوع قبل و بعد كل درس و ده طبعا للناس اللى بتاخد دروس فى كل المواد
و ساعتها لو عرفت تاخد يوم راحة فى الاسبوع اعمل فيه اللى سبته أو مقدرتش تعمله عشان كنت راجع تعبان ولا حاجة
بس نصيحة متتكلش على اليوم ده و تسيبله كل حاجة حاول انك تخلص كل حاجة لأنك متعرفش ايه اللى هيحصل بكره
و البطل الحقيقى اللى يقدر ينفذ اى جدول من التلاته لأنه هيلاقى وقت الجد ميعرفش ينفذه و لو عمله لمده شهر كامل بدون أى خلل
هنديله نوبل
و عايز اشوف تعلقاتكم ع الجداول دى

l[i,] مجهود رااااااائع جداااااااااااااااااا
انا شايفة من رايي ان الجدول الاخير احسن حاجة