حالياً المنهج الخاص فى المدارس الخاصه له عدة أشكال:
- مدارس تحدد منهج خاص و تقوم بتقسيم وحداته على المرحله التعليمية كلها, يعنى كل سنه دراسية يتم تدريس وحدتين أو ثلاثه من أصل كتاب كامل 24 وحده مثلاً.
- مدارس بتلغى المنهج الخاص أصلاً و بتدرس المنهج الحكومى فقط
- مدارس بتلغى المنهج الخاص و بتعمل شيت فى آخر العام و عليه حصة مراجعة بـ $$$ و الكل ناجح
- مدارس قليله لازالت ملتزمة بالمنهج الخاص كاملاً و معاه القصه أو المسرحية أو الشعر
------------------------------------------
طبعاً فى كل الأحوال تهميش المنهج الخاص لأنه مش الأساس للنجاح, بمعنى إنه مادة فرعية زى الرسم و التربية الدينية
ده النظام الحالى
بعد القرار, أكيد كل المدارس هتلتزم بمنهج خاص و مفيش منهج حكومى و ده مميزاته كتير ذكرها الإخوه الزملاء هنا, بس من عيوبه الخطيرة:
- إعطاء الفرصه لمعلم المدرسة الخاصه بالضغط على الطلاب للدروس الخصوصية, خاصة و أن المنهج تحول من مادة فرعية لمادة أساسية تضاف للمجموع و الخوف من الرسوب فيها سيزداد, و معلم الماده هو من يقوم بالتدريس و التقييم و وضع الإمتحانات و تصحيحها, يعنى كله فى جيبه بالبلدى!!!
- بعض المدارس ستلجأ لإختيار مناهج صعبه جداً و أخرى ستختار مناهج سهله للغايه (حسب سياسة كل مدرسه)
- عودة المنهج الحكومى مرة أخرى فى سنوات الشهادات و بعد إختفائها من سنوات النقل سيصنع نوع من الفجوة فى التدرج البنائى للمنهج الحكومى, و ده هيخلى إمتحان المنهج العادى صعب مهما كان مستوى الطالب فى المنهج الخاص.
----------------------------------
أقترح (مجرد إقتراح)
الإلتزم بالمنهج الحكومى, مع إضافة قصص أو مسرحيات ... بجانبة, دون التحميل بأعباء مناهج مستوى رفيع أخرى (يعنى منهج الحكومه + رواية \مسرحية\شعر)
و طبعاً معروف إن الأدبيات من أكثر الطرق فعالية لإكتساب اللغه الحيه بعيداً عن تعقيدات القواعد النحوية Grammar التى لم تعد مستخدمه فى التعامل اليومى> Language for Communication
__________________
سبحــانك اللهم و بحمدك
أشـــهد إن لا إلـه إلا أنـت
أستغفـرك و أتــــوب إليـك
|