[Keira]

في حاجة دايماً مستر الفيزياء كان بيقولنا عليها وبينبّه عليها كتير وهي
إنه في أسئلة زي أسئلة الفكرة العلمية أو الأساس العلمي وإستخدام القواعد
ما ينفعش نكتب بس الفكرة العلمية ونسكت .. لازم معاها الشرح
يعني مثلاً :
- ما هي الفكرة العلمية أو الأساس العلمي للجلفانومتر الحساس ؟
جـ : الأساس العلمي هو عزم الإزدواج المؤثر على ملف يمر به تيار كهربي قابل للحركة في
مجال مغناطيسي ، حيث أنه عند مرور تيار كهربي في الملف تتولد قوتان متوازيتان
ومتساويتان في المقدار ومتضادتان في الإتجاه على الضلعين الطوليين للملف
فينشأ عنهما إزدواج يسبب دوران الملف حول محوره .

وهكذا بقى في أي سؤال من النوعية دي
وكمان الأسئلة بتاعة إستخدام قواعد تحديد الإتجاه للتيار أو الفيض أو القوة
لازم نقول بتستخدم في إيه .. مع شرح طريقة العمل بتاعتها

لإن في ناس كتير بتبقى عارفة الإجابة وعارفة الشرح بس ما بيجيش في بالها إنه لازم يتكتب
ف بينقصوا درجات عشان ما كتبهوش مع إنهم كانوا عارفين الإجابة .

وربنا يوفقكم ويوفقنا