[ahmedelfangary]

المشاركة الأصلية كتبت بواسطة mayar 3adel

معلش يا جماعة ممكن مساعدة
اممم والله ما عارفة ابدأ ازاي انا طول عمري معنديش ايمان بحتتة اني اشكي لحد دي
ادام عارفة المشكلة يبقي هتتحل
اممم انا ف تالتة ثانوي علمي علوم كنت ديما الاولي ع الادارة والمحافظة وكده
المشكلة ان ف سنة اولي وتانية قضيتهم عادي جدا واققل من العادي و
كمان لعند دلوقت بجد مفتحتش كتاب اتلميت ع بنات مش كويسيين وتقريبا مبقاش عندي هدف
كان حلمي اجيب 99 وكسور كمان بس دلوقت طبعا انا عارفة اني مش هعدي السبعين في المية
وبرضوا مش عاوزة اصدق
طيب اعمل ايه نفسي اجيب المجموع ده
بس انا بدأت اذاكر الايام دي بس معطم الوقت ببقي قاعدة بحلم ازاي انا عديت المشكلة دي
وببقي قاعدة بعيط واتمني السنة ترجع من الاول واذكر
انا تقريبا مدمرة نفسيا
المشكلة كمان اني ما بقتش بحافظ ع الصلاة ولا ع الدعاء
الصلاة مش عارفة ليه
والدعاء هقول يارب اجيب كذا وانا اصلا مابذامكرش ؟؟؟؟ طب ازاي ياريت حد يرد عليا ويقلي اعمل ايه

اولا انتي هتقومي تصلي ركعتين تحمدي ربنا على انك فوقتي من اللي كنتي فيه وسيبتي البنات اللي مش كويسين .. وتدعي ربنا يوفقك في اللي جاي .. علشان تكون نهاية الجزء السيء من السنة صلاة وبداية الجزء اللي ان شاء الله هيكون ممتاز صلاة .. تدعي ربنا في الصلاة دي بكل حاجة تتمنيها .. انا كنت بدعي وانا في ثانوي كنت بقول يا رب يسرلي الاسباب اللي تخليني اجيب مجموع كذا وخليني اجيب المجموع ده يا رب .. تشيلي الحزن اللي فيكي .. اصل منطقيا مش هيجيب فايدة .. واخرة العياط ده مش هتزاكري .. .. يبقى تعبتي نفسيا وضيعتي وقتك .. يبقى خلاص اللي فات ننساه .. وعلينا باللي جاي .. لان هوا اللي في ايدك .. ولازم تحافظي على الصلاة .. مش علشان الامتحانات .. لازم تحافظي على الصلاة .. لانها حق لربنا عليكي .. وعلى فكرة الصلاة مفعولها قوي كذلك الدعاء في السجود .. وفي حكمة بتقول ( كن لله كما يريد ،، يكن لك فوق ما تريد ) .. فلازم تادي حق ربنا عليكي وابذلي كل ما في وسعك وان شاء الله هتجيبي مجموع عالي وتدخلي الكلية اللي انتي عايزاها ..