اقتباس:
المشاركة الأصلية كتبت بواسطة fethaghors
تنسيق لية الطب هيعلى جامد نظرا لخفض عدد الطلاب خمسين فى المية
|
صراحة بقي يا كابتن فيثاغورس .. موضوع الطب دا بقي شكله وحش اوي
انا اخويا اترزع 6 سنين في الكلية .. وطالع منها زي اللي طالع منا الترب
وبدون مبالغة والله .. اللي يخش الكلية دي يبقي حرام عليه !!
انتا تخيل ست سنين من الجهد والتعب وامتحانات عملي وشفوي وتحريري وكشف وجارات وميكروسكوبات
ومواد تعقد الكلب من العضمة !! .. امثال الفارماكولوجي و الكوميونيتي والفسيولوجي والانترنال والسريجري والجاين كولوجي والبعبع بتاع سنة اولي .. مادة الاناتومي !!
كل دي مواد بتمر عليك خلال 6 سنين .. وبعد كدا تستني 3 شهور بعد تخرج سيادتك عشان تلتحق بركب اطباء الامتياز .. اللي هما بيسموهم مرماطون المستشفي !!
بعد كدا تخلص السنة بتاعتك زي الشاطر وتبقي نائب .. ودا بيسموه شخشيخة الدكتور !!
اثناء النيابة بتاعتك ربنا يكرمك بقي وتعرف تحضر ماجيتسير .. دا ان لحقت وعرفت وربنا كرمك بدكتور محترم يشرف عليك !!
وفي نهاية الامر تتطس في الجيش 3 سنين كظابط احتياط .. تطلع منه عايز لسه تعمل عيادة
وكل دا تكون انتا لسه ماتجوزتش .. وياعيني محروم ومش عارف تعمل ايه
والله بجد انا مش بعقد .. لكن فعلا دا اللي بيحصل !!
انا بقولها علني كدا .. انا لا اشجع الالتحاق بكلية الطب ابداً من اللي انا شوفته في اخويامعا ان تقديره العام جيد جدا !!