[~ Smile 4 Life ~]

أختي انا مش هقعد اقولك هتقدري والوقت معاكِ
لان اي حد هيدخل ع البوست مش هيقولك غير كده عشان تتشجعي
لكـــــــــــــــن لو هنتكلم بجدية ; مفيــــــــــش حد هيقدر يساعدك
غيــــــــــر نفســـــــــــــــــــك
ده مستقبلك انتي وهدفك انتي وانتي اللي هتمتحتني ,,
و3 شهور دول تقدري تعملي فيهم كتيييييييييييييير والله بس لو عندك النية والارادة انك تذاكري بجدية
ده مش كلام تشجيع ع الفاضي والله ,, دي حقيقة
والامام بن القيم رحمه الله قال
" لو عزم الرجل ان يزيح جبلا لازاحه "
بس خلي بالك من كلمة لو عــــــــــــــزم
يعني لاااااااازم يبقي عندك الارادة والعزيمة

شوفي هدفك ايه وابدأي خططيله وازاي هتقدري توصليله
وكل ده يبقي بالورقة والقلم لان لما هتكتبيه بايدك وتقريه
هيبقي عندك الحماس انك تحققيه وهتقدري بعون الله ,,
ومتقعديش تقولي الوقت ومش الوقت انتي هتضيعي وقتك
لو قعدتي تشكي ومستغلتيش الوقت اللي ربنا اعطهولك
وعلي فكرة مسألة ضياع الوقت دي ذنب المفروض نتوب منه كلنا
لان ربنا هيسألنا عن وقتنا وعمرنا يوم القيامة ضيعناه فيه ايه؟!

فانتي من النهاردة اقعدي مع نفسك وخرجي اي شعور سلبي جواكِ
وابدأي مع نفسك حياة جديدة مليانة بالتفاؤل والامل ,, لان صدقيني
التشــاؤم مش هينفعك في حاجة ده هيضرك وهيعملك ازمة نفسية ,,
وبعدين اكتبي المواد اللي عليكِ شوفي خلصتي ايه مع المدرسين وفاضلكم قد ايه ,,
وقسمي مع نفسك بحيث انك تذاكري القديم مع الجديد اللي بتاخديه في الدروس
واهــــــم حاجة بعد مذاكرة الفصل او الباب انك تحلي امتحااااااااااانات ,,
اولا عشان تبقي رايحة متدربة علي الاسئلة و تروح من عندك الرهبة والخوف منها
ثانيا عشان معظم الاسئلة بتكرر في الامتحانات احيانا بنفس النمط واحيانا بصيغ مختلفة
لانهم مش هيخترعولنا امتحانات كل سنة يعني

اما عن وقت المذاكرة فأنسب وقت بيكون بعد صلاة الفجر بجد
يعني بعد ما تصلي اقعدي اقري الاذكار واقري صفحتين قرآن وابدأي مذاكرة
وانتي دماغك صافية تماما ومتفكريش في اي شئ غير اللي المادة اللي انتي بتذاكريها
وما بين كل ساعة الا 10,, تاخدي حوالي 10 دقايق راحة وترجعي تذاكري تاني
وخدي اللينك ده يااااااااااااارب يساعدك ,,

http://www.goodwayinlife.com/forum/s...ad.php?t=58302

وخلي بالك في اخر الموضوع اللي هتقريه في اللينك اللي انا كتبتهولك
هتلاقي روابط لمواضيع تانية عن المذاكرة بردوا اقريها هتفيدك بمشيئة الله ,,

وربنا يوفقك ويوفقنا حبيبتي