[هتـــلر]

حكايتى مع العسليه


انا بعشق العسليه جداً و قررت اعملها و جبت الطريقه من على النت وطلعت سهله مووووت
الطريقه انك تغلى العسل وبعدين تلف وتعجن فيه لحد ما يبقى ابيض وبعد كده تقطعه على حسب ما انت عاوز

جريت ع المطبخ عشان اطبق الطريقه و فرحان اوى انى هعمل العسليه اللى بحبها
وحطيت العسل الاسود
و قعدت اقلب
العسل قعد يعمل بقاليل و انا فرحان اوى
و سبته كتير عشان يغلى كويس عشان عارف انه اتقل من الميه باين و محتاج وقت كبير عقبال ما يغلى
طبعاً ماما دخلت و فخوره بيا اوى عشان بعمل العسليه لاول مره فى تاريخ العيله ههههههههههههه
و العسل على النار عمال يغلى
يغلى
يغلى
و انا واقف جنبه فرحان و شايفه عمال يسود اكتر و يعمل بقاليل اكتر و سايبه لحد ما يبقى لزج كده
و بعد فتره طويييييله قررت اطفى عليه و جيت ادووقه لاقيته مررررررر اوى اوى اوى و عرفت انه اتحرق خلاص
و بذكائى حطيت حبة عسل مغلى فى طبق كبيير عندنا و اول ما حطيت المعلقه على الطبق العسل و المعلقه لزقو فى الطبق زى صمغ امير و بقو زى الحجر بالظبط
و الحلة ما شاءا لله العسل لزق فيها زى الصبغه و طبعاً الحرارة خلت العسل يتوغل اكتر فى الحلة و يثبت اكتر

و ماما شافت اللى حصل و هاتك يا زعيق و شخط و الحمدلله ان مكانش فيه حاجه جنبها

وقعدت اكتر من ساعه اكحت فى الحله تحت المية السخنه و عمال اشتم اليوم اللى فكرت اعمل فيه ام العسليه