[هاوى إبداع]

المشاركة الأصلية كتبت بواسطة theprincemoh

ياجدعان انا عايز اعرف اعمل ايه في أجازة سنة تالتة اللي هتبقي اسبوع-اسبوعين دي؟؟؟
في ناس بتقولي خدها لعب وتنطيط ومتفتحش كتاب (من مدرسين ومن طلبة عدوا السنادي بتفوق) وناس اصحابي تقولي لا لازم تقعد تراجع طول الاجازة عشان الاجازة مش للعب ومفيش اجازة لطالب ثانوي

الفكرة كلها :
اولا:ليه العب في الاجازة ومفتحش كتاب؟(رأي الناس دي) ومن ضمنهم اختي بتقولي انت الاجازة دي خدها لعب كلها ومتفتحش كتاب(هي كانت بتاخد 3 اسابيع ومبتاخدش دروس كمان يعني المفروض ضايعة ضايعة) ومكانتش بتذاكر اوي اوي يعني وجابت 96% وبتقولي عشان هتيجي وهتزهق من المذاكرة في شهر اربعة وتلاتة وخمسة

ثانيا:ليه اراجع في الاجازة؟ عشان لو مذاكرتش فيها ولعبت هنسي القديم وهضيع مجهود ووقت كبير

انا عايز نصيحة من حد عدي السنادي بتفوق يقولي اعمل ايه بالظبط
مع العلم اني من بداية شهر 1 بديت انام شوية في المذاكرة وزهقت منها جدا وبقيت بضيع وقت بأي طريقة
ومش راضي عن مذاكرتي زي الاول(كنت في الاول شادد حيلي جامد وسابق كل المدرسين وتمام جدا)
انا عن نفسي شايف اني محتاج الاجازة دي فعلا عشان انا زهقت من المذاكرة واخد الرست او الفاصل البسيط ده عشان ارجع اكمل زي الاول (لان مينفعش اريح بعدين)

كانت من اكبر مشاكلي ف الثانويه
اني بقيس نفسي بغيري دايما وكان المفروض مقارنش نفسي بحد
نصيحتي البسيطه لك
انك تشوف نفسك هل انت مزاكر الترم الاولاني كويس !!
لو الاجابه نعم يبقي تهيص ف الاجازه مع برده ساعه مزاكره ف اليوم ولا حاجه يعني متنفضش للمزاكره خالص
لو اجابتك لا يبقي تراجع الترم الاولاني كويس عشان انت لو عديته وجيت تراجعه ف الاخر هتتعب مع شوية لعب
وربنا يوفقك وتحقق كل اللي انت عاوزه