[هتـــلر]

انا اعرف ناس كتير بتصاحب ناس عشان خاطر تلاقى ونس ليها و هى راحه الجامعه او الدرس مش اكتر
والمشكله ان الكل بيبقى نايس اوى اوى و منعرفش حقيقتهم غير بعد ما تخلص المصلحه

انا اعرف واحد صاحبى بيصعب عليا اوى
صاحبى ده بيطلع الاول ديماً و عمره ما قل عن 98 بس للاسف ملوش صاحب بجد
كل ترم وقت الدراسه الناس كلها بتتصل بيه بما فيهم انا ههههههه بس انا مكنتش بتصل عشان حاجه بجد
و الناس طبعاً اللى بتتصل بتبقى عاوزه حاجه تبع الدراسه مش اكتر
و تيجى الاجازه يا مولاى كما خلقتنى ولا اى حد يعبره ابداً

بجد فئة المصلحنجيه دول عاوزين الحرق بجد و الواحد للاسف عشان بيحب الخير مش بيحب يعاملهم وحش
عمتاً الحل مع الناس ديه انك تعتبرهم مجرد حاجه مؤقته و خلاص و اكسب فيهم ثواب و مفيش مانع تستفيد منهم برده و ترخم عليهم لغاية ما يطفشو من نفسهم هههههههه

بس فيه كمان فئه جمييله جدا جداً و دول نادراً لما تلاقيهم فى الزمن ده ناس كلها جدعنه وطيبه و نفوس كويسه و حلوه و متربيين تربية سويه حلوه
بجد لو لاقيت حد كده اياااااااااك تفرط فيه بسهوله او تتلككله على اى غلطه من غير قصد

ولو ملاقتش شخص كده اركن جنبى على الدكة و خليك مع ربنا لحد ما تلاقيه ان شاء الله