الفعل والفــــــــــــــــــــاعل خاااااااااااااااص للمسابقة
**** الفعل والفاعل ****
******************
ما بين الفعل والمفعول
ما لوش قسمة ولا نايب
وفين الفعل والفاعل
بيتخفى في ضمير غايب
ولو يظهر كده في جملة
تلاقي الفعل كان خايب
بيحلم بالربيع ييجي
وقلبه من الوجع شايب
يداري من الكلام وشه
ومن زمنه بيتعاجب
بيشكي ويبكي من خيبته
ومن طيبته اللي بتعايب
على حروف الكلام لما
تكون ضمة بلا صاحب
وصاحب الضمة كان مهموم
ومن همه رفع حاجب
وادي الفاعل طلع مفعول
وسهم الفعل فيه صايب
وكان نصبه وكان شنقه
ده هو الحق والواجب
|