[هتـــلر]

انا مش هنكر انى مش عاوز حد يبقى احسن منى
بس النهارده فكرت هل انا كده هكون مستريح !!!
يعنى انا عارف انى قدراتى محدوده و انى مطالب بحاجات معينه تليق مع قدراتى ديه و ناس تانيه قدراتها اعلى منى و مطالبين بحاجات اعلى منى
دلوقتى لما اقول مش عاوز حد احسن منى كلام جميل هل انا عندى نفس قدرات الناس التانيه !!! هل انا عندى مسؤوليات كتير زيهم !!!
الفكره مش انى اكون احسن من فلان الفكره انى اكون احسن من ابراهيم الاسبوع اللى فات و السنه اللى فاتت
الحاله الوحيده اللى تقول عاوز اكون احسن من حد لما تكون ظروفكم و قدراتكم واحده هى ديه الحاله الوحيده اللى تقدر تقارن وقتها
عشان كده انا مش هزعل لما حد يتفوق عنى فى اى حاجه لان ده الحيز بتاعه و انا ليا الحيز بتاعى و ديه قدراته و انا ليا قدرات مختلفه
المجتمع لما يكون التفوق فيه مختلف بيكون مجتمع قوى
تخيل كده لما يكون الدكتور متفوق فى مجاله و بيحببه و المهندس برده و العامل و المحاسب
بجد المجتمع هيبقى فيه تكامل و قوه
بس لو المجتمع تلاقى فيه المهندس مش حابب شغله عشان ابوه دخله بالغصب عشان يفتخر بيه و خلاص و هو اصلاً نفسه فى حاسبات و معلومات مثلاً
و الدكتوره مش حابه شغلها عشان دخلت برده غصب عشان امها شديده و بتاثر عليها و لو رفضت هتعاملها وحش وتكرهها و هى اصلاً نفسها فى حقوق
وهكذا

تخيل مجتمع كل واحد فيه همه يتفوق على التانى و خلاص اياً كان المجال او بيشتغل حاجه هو مش حاببها بس عشان خاطر كلام الناس
بجد التخيل سهل جداً لان ده موجود فى مصررر
و ده سبب التأخر اللى احنا فيه
كل الدفعات المتخرجه من كل الكليات عليها يأس و هم فظييع و لو كلمتهم هيجيلك اكتئاب و تكره المذاكره
و محدش بيشتغل غير بالواسطه و ناس كتير بتاخد مكان ناس اعلى منها وأكفأ منها


احنا محتاجين صحوة قويه اووووى و محتاجين نكون أجرأ من كده و نخرج من حيز التقاليد و العفن و كلام الناس و كل واحد يختار طريقه بنفسه و يفكر بحياديه و يلعب فى ملعبه وبسسس