اقتباس:
المشاركة الأصلية كتبت بواسطة louly k.
بقولكم إيه يا جماعه ..
المستر بتاعي إمبارح كان بيقول ان المفروض طلاب ثانويه عامه يذاكروا
علي الأقل 8 ساعات في اليوم ويوصلوا لـ 12 أيام المراجعات ..
وقال ان المفروض الواحد يذاكر المواد كلها كل يوم!!!!
قلتله يا مستر ده اليوم 24 ساعه بس ..
قالي من الغباء إن الإنسان يقعد علي ماده واحده يذاكر فيها طول اليوم
قلتله صح انا ممكن اخد مادتين .. قالي مادتين ايه هو احنا في 6 إبتدائي
أحبطني الله يسآمحه .. المهم ، قلتله إزاي أذاكر 7 مواد في اليوم
قالي إدي لـ كُل ماده بالكتييييييييير اوي ساعه او ساعه ونص ..
طبعا مش كل المواد ساعه ونص فيه مواد ساعه زي الe
وقسميهم علي الأسبوع .. قلتله يا مستر انا لو خدت من كل حاجه حبه
مش هحس اني ذاكرت حاجه .. وبصراحه مقتنعتش بكلامه 
بس وانا بعمل سيرش ع النت لقيت الجدول ده ..
http://files2.fatakat.com/2011/2/12987575759882.jpg
معني كده إن الفكره دي إتطبقت !! إنتوا إيه رأيكم في الكلام ده ..
بما إن لسه بدرررررررررررري علي الإمتحانات << سامحني يارب ع الكدبه دي xd
|
والله رأيي ان كل واحد يذاكر بالطريقة اللي تريحوا أهم حاجة في الآخر نكون مذاكرين بس الفكرة دي متمشيش معايا قوي لان انا بحب اذاكر الدرس كله مرة واحدة عشان اربطه كله ببعضة مش كل يوم اقعد ساعة وخلاص ده ملل كبير بالنسبة لي لاني هحس اني ماشي براااحة ومش هخلص مذاكرة والأفكار دي بس لا شك ان الفكرة دي مفيدة علي العموم لانك كل يوم بتبقي علي اتصال بالمادة مش تذاكر وتركن كام يوم علي ما ترجع تفتح نفس المادة تاني المهم ذاكري بالطريقة الأحسن ليكي وربنا يوفقنا