[lally adel]

المشاركة الأصلية كتبت بواسطة mahmoud elgohary

سؤال للدكتورة بقى
بالنسبة لتعليق النصوص
الاضواء مزود كتيييييييييير عن كتاب المدرسة
احفظ انهو تعليق
وبلاش حكاية اعرف الاتنين دى لانها بتضايقنى
ماهو انا ياحفظ ياما محفظش
مبعرفش انا كلمة ايه اعرف كل حاجة دى
فايه رأى حضرتك
________________________________________________
حاجة تانيةوهى بالنسبة لكتاب الامتحان كيميا واحياء بالنسبة للتمارين
المستر بتاع كل مادة قالى ده اوفر وهيتوهك
فهل مستواهم هو مستوى امتحان اخر العام
والمستر بتاعى قالى استخدم كتاب المعلم كيميا فهل حد جربه
وفى الاحياء احل منين غير الامتحان
لان برضو كتاب النفيس تمارينه قليلة جدااااااااااااااااااااااااااا وانا عاوز احل لان زى ماحضرتك قولتى من غير الحل ملهاش لازمة

تعليق النصوص ده بالذاااااااات انا قلتلكو يتحفظ من كتاب المدرسة زى ما هو .. لا كلمة زياده و لا كلمة ناقصه .. لان ده سؤال مضمون ف الامتحان ..
اللى انا بقولكو اقروه او اعرفوه من تعليق الاضواء هى الحتت اللى مش موجوده ف كتاب المدرسة .. ظى مثلا اثر البيئة ف النص .. و ملامح شخصية الشاعر من النص .. و مظاهر تحقق المش عارف ايه كدع ف النص .. و فى حاجة انا فاكرة انها كانت بتبقى محفوظة ف كل النصوص اللىكنا بنقول فيها جزالة العبارة و وضوح المعانى و سهولة الاسلوب و ترابط الافكار و مش عارف ايه بس مش فاكرة دى كان ايه سؤالها يعنى ..
ااحاجات دى مش موجودة ف كتاب المدرسة بس موجوده ف الاضواء و الكتب الخارجية .. انا بقولك اعرفها عشان توفر على نفسك حفظها لانها نادر ما بتيجي و حتى لو جت هتلاقى نفس الكلام بتكرر ف كل النصوص ف انت هتقدر تكتبه من دماغك من غير ما تحفظه لانه كده كده كتر تكراره هيثبته ف مخك .. عشان كده بقولك اعرف العنوان ده بيتكتب تحته ايه عشان انت تبقى عارف تجاوب ازاى بعد كده ..
بص بقى بالنسبة للمعلم ف انا مقدرش اقلك هو خلو و لا وحش لانى مجربتوش .. كتاب اامعلم الوحيد اللى جبته كان ف اخر السنة المعلم عربي عشان بيبقى جايب الامتحانات بنماذج الاجابة بتاعة الوزارة بتاعتها .. بس لما كنت ببص فيه على الاسئلة اللى بيبقى حاططها ع الدروس او قطع النحو او كده ماكنتش بحسه حلو او متمكن يعنى . الله اعلم بقى الشرح منه بيبقى عامل ازاى .. اللى كنت بجيبه ده كان مراجعه نهائيه ..
بالنسبة لكتاب الامتحان ف هو اللى انا كنت بشتغل منه ف كل المواد العلمية من اول اولى اعدادى .. ف وجهة نظرى هو كتاب اكثر من رائع و بيتعب فيه بجد .. و كان مفيد جدااااا بالنسبة لى و عمرى ما حسيت انه معقد او اسئلته اعلى من مستوى الامتحان بتاع اخر السنة .. خاااااالص على فكرة .. فى اسئله كتير فيه افكارها حلوة و بتساعدك تشغل دماغك و تفكر .. اينعم ساعات بيشطح ف شوية اسئلة و يجيب حاجات مفتكسه بس ده بيبقى قليل اوووووى مقارنه بااكتب التانية اللى ساعات كانت بنعمل اجابات غلط اساسا و اسئلة غلط كمان .. ف انا صراحة مش عارفه مدرسينك وجهة نظرهم ايه .. بس انا عن تجربتى شايفه ان الامتحان اكثر من رااااائع
الحاجة بقى اللى انا بجد مش فاهماها ازاى بنقولو ان النفيس اسئلته قليله !!!! دة على ايامى كان بيجيب بال 15 و ال 20 صفحه اسئلة ع الفصل الواحد .. اينعم كتير منها اسئلة فكسانه بس برضه اهى كانت بتخلى الواحد يفتكر اادنيا فيها ايه ..
ممكن تحل ف الاحياء من كتاب الاول 2500 سؤال .. دة كان كويس اووى صراحه و كان فيه اسئلة حلوة فيها افكار ..

ياااارب اكون افدتك ..
ربنا معاكو