[أمير البلاغة]

المشاركة الأصلية كتبت بواسطة *(amera)*

طيب دلوقتى يا جماعه كنت عايزة اخد رأيكم فى حاجه
انا كنت اخدت مع مدرس فزيا فى الاول خااااااااالص
كنت سامعه انو كويس حضرت حصه
بعدين المواعيد كانت داخله فى بعضها
لقيت فى نفس اليوم عربى من 12 ل3 واحياء من 4ل7
بعدين الفزيا دى من 7ل9او ل10
سيبتو واخدت مع واحد تانى هو فى الشرح كويس اوى

بس بقى فى حل الاسئله هوبيجيب مسأله يحلها ع السبوره
ومش بيدينا نطبق معاه فى الحصه مثلا بمسأله نفس فكرتها
ولو جيه يحل وحد حل لوحده يضايق

ادانا توصيل المقاومات اخر حاجه
فى العادى بيشرح كويس
فى الجزء ده كروتنا كروته غريبه لمجرد انه سمع ان فيه مدرس تانى دخل فى العاشر
يدوب اخدنا مسألتين عليها
ومسألتين افكارهم مباشره جدااااا
لما جيت احل من كتاب الامتحان ع الجزء ده حسيت انى ضايعه

ع الرغم فيه مسأله ما عرفتش احلها
سألت فيها واحده صحبتى بتاخد مع المدرس الاولانى
هى مستواها متوسط وعارفين انها مش بتذاكر لكن ما شاء الله عليها حلتها
حتى هى بتقول انه بيدي مسائل يحلها بعدين يدى مسائل شبهها يحلوها
ويقعد يشوف كل حد عمل ايه

المهم حاليا انا محتاره
اكمل مع اللى انا معاه
ولا اخد مع المدرس اللى اخدت معاه فى الاول واستحمل شويه اليوم ده

و الله انا شايف ان انتى الوحيدة اللى تقدرى تحكمى ايهما احسن بس خلى بالك ان الكهربية كله فى الاول بيحس انه ضائع فيها لانها ببساطة حاجة جديدة علينا ولكن مع كتر التمارين بتلاقى نفسك بريمو فيها ....وبرده على فكرة القلق النفسى اللى انتى فيه ده بيأثر بالسلب عليكى وعلى مستواكى وعلى سبيل المثال انا فى بداية العام الدراسى كنت محتار اروح عند اى مدرس من مدرسين الفيزياء اللى عندنا فى الاخر استقريت على واحد بس المشكلة انى كل ما اقابل واحد يقولى ان المدرس ده وحش فى المادة ( على الرغم ان كتير عنده جايبين درجات كويسة فى الفيزياء ) فلما استعجب و اقولهم يا جماعة ازاى و الناس اللى عنده كويسة يردوا و يقولوا لأ كل اللى عنده كان بيروحو عند 2 مدرسين مع بعض فالفكرة كلها ان الطالب هو الحكم لأن ده مستقبله و فيه مقوله دايما بكررها ان دماغ الطالب و المدرس زى الترس كل ترس ليها ترس معين ....................اسف على التطويل و لكنى اردت الافادة