[Sofia El-behairy]

السلام عليكم و رحمة الله و بركاته

كل سنه و انتم طيبين ان شاء الله سنه جايه كلنا حنكون دخلنا كليات الى نفسنا فيها من زمان

ان شاء الله الجروب ده حيكون لكل طلاب 3 ثانوى شعبه ادبي لعام 2014

حيضمن كل الاستفسارات عن السنه ديه من ناحيه الدراسية و المذاكره

كمان حنشجع بعض و الى واقف معاه حاجه يقدر يسأل

الاهم من ده كله الجروب ده للمتااااااااااابعه يعنى ايه للمتابعة يعنى الاعضاء الى حينضموا لينا حيكون ليهم متابعه اسبوعيه و شهريه ..كل اسبوع يكتب هو اخد ايه بالظبط طول الاسبوع و ذاكر منهم ايه و يتم تقييمه و فيه ثواب و عقاب و المركز الاول لاكتر واحد خلال الاسبوع ده كله مش فوت و لا درس و ذاكره و المتابعه الشهريه ديه بقى بتكون كل اخر شهر كل واحد يكتب فى كل ماده اخد ايه فيها و ذاكر كويس بنسبه كام و راجعها بنسبه كام برده و كل عضو حيتم تقييمه كل اخر شهر

اهم حاجه المصارحه مع نفس ...انت الى حتيجى تكتب بنفسك انا اخدت كذا و كذا و مذاكرتش كذا و رجعت اى كلام فى ماده فلانيه ..يعنى انت مراقب على نفسك و مرايه نفسك ديه ميزه الموضوع

يعنى لا مدرس بيتصل بوالدتك او والدك عشان يقولهم ذاكر و لا مذاكرش انت كبير و ناضج كفايه و عارف ان ده مستقبلك يا ريت نتعود اننا من كل فتره نقيم نفسنا عشان ده الى بيخلنا نشوف اخطائنا و نصححها و نتفادها المره الجاية


طبعا المواد على ادبي هى لغه عربية و لغة انجليزيه و لغة الاجنبيه تانيه و تاريخ و جغرافيا و علم نفس و فلسفة ديه مواد الاساسية

الجروب ده مش بتاعى لوحدى ده بتاع اى طالب فى فى ادبي عايزاه يدخل فيه كانه بيتكلم مع نفسه لوحده و يصارحها هو ذاكر ايه و مذاكرش ايه ...يعنى موضوع ده بتاعنا كلنا اى حد عنده نصيحه او معلومه او اى حاجه لا يبخل عن غيره بيها

الاعضاء الى حينضموا معانا يا ريت يكتب اسمه و المحافظه بتاعته و مدرسته و الهدف بتاعه مجموع كام و الهدف كليه ايه و ايه اكتر مواد المحببه الى قلبه و ايه اكتر مواد غير محببة الى قلبه و مواد الى شاطر فيها و مواد الى بيحبها حب طرف واحد ههههههه الحب الى بينى و بين الجغرافيا كدا

طبعا انا مش عايزه الاقى فى اول كام يوم الاعضاء بالعشرين و على اخر الشهر 10 و على اخر السنه اتنين

لا يا ريت الالتزام يعنى لو حاسس انك مش قد تحمل مسئوليه نفسك و تيجى تصارحها هنا يبقى مش تقول معاكم فى الاخر مش تلتزم

طبعا بما اننا فى ثانويه عامه فانا مش عايزه غير دخول مره كل اسبوع عشر دقايق و مره كل شهر يعنى جروب مفهوش تعطيل ليك خالص و اكيد الى محتاج اى استفسار او اى سؤال يدخل يكتبه اى وقت انا لو موجوده حرد عليه و اى غيرى ان شاء الله

يعنى انا عايزه الاعضاء الى حينضموا ملتزمين جدا لاقصى حد حتى لو جروب كله حيبقى 3 مش مهم

طبعا مش محتاجه افكركم ان خلاص اخر شهر كمان اربع ايام كدا و الكل حيدخل بمنتهى صراحه يقول طول الشهر اخد ايه و ذاكر ايه و راجع فيهم ايه

ربنا يوفقنا جميعا

Sofia El-behairy