22-08-2013, 04:56 PM
|
|
طالبة بكلية طب القصر العيني
|
|
تاريخ التسجيل: Jun 2011
المشاركات: 581
معدل تقييم المستوى: 15
|
|
اقتباس:
المشاركة الأصلية كتبت بواسطة ahmedsmsmo
شكرا جدا يا دكتورة على المعلومات أقيمة وكنت عاوز اعرف ايه احسن وقت للمذاكرة اصحى الصبخ بدرى مثلا ولا اسهر ازاكر بليل لانى محتار فى الموضوع ده وبالنسبة للدروس فكل المدرسين عندنا بيشتغلو 3 ايام فى الاسبوع يعنى مش هينفع اذاكر مادة فى اليوم فأيه انسب مواد ممكن اذاكرها فى اليوم وشكرا لحضرتك
|
لو الكلام موجه ليا انا مش لدكتورة never come back .. ف يبقى العفو جدااا و ماتشكرنيش عشان ده واجبي 
احسن وقت للمذاكرة من بعد صلاة الفجر .. انا كنت بصحى اصلى الفجر و اشرب القهوة و اقعد لحد الساعه 12 او 1 الضهر غلى حسب يعنى .. و انام ساعتين كدة لحد العصر و اصحى اكمل للساعه 11 او 12 و هكذا .. و فى ايام مكنتش بنام فيها الضهر بس كنت بخلى المذاكرة اللى هى بدايه من الساعه 6 المغرب كدة حاجات حل و حاجات بسييييطة لان طبعا بيكون تركيزى بدا يقل ..
دة فعلا احسن وقت تزاكر فيه هتلاقى اليوم معاك طوووووويل .. و عندك وقت قبل الدرس و وقت بعد الدرس ف دة هيخليك تقدر تركز ف مذاكرتك اكتر .. انا جربت كل حاجة جربت السهر لحد الفجر و جربت التطبيق لحد الساعه 9 و 10 الصبح و جربت كل حااااااجة .. بس فعلا الفترة اللى كنت بصحى فيها من الفجر دى هى اكتر فترة استفدت فيها
اما بالنسبة لحوار مادة ف اليوم ف د انا اصلااا مكنتش ماشية بيه .. دكتورة never come back هى اللى كانت ماشية بيه .. انا كنت لو مثلا عندى النهاردة درس عربي اقعد الفترة اللى قبل الدرس كلها بزاكر عربي بس .. و بعدين اخد الدرس و تبقى كدة انطوت صفحة العربي ف اليوم دة .. اقعد بقى فى الوقت اللى بعد كدة امسك اى مادة تانية .. و ساعات مثلا ازاكر احياء و احل انجلش .. يعنى ماتبقاش مادة واحدة بس ..حسب بقى اولويه ترتيب المواد عندى
ربنا يقويكو
|