[lally adel]

المشاركة الأصلية كتبت بواسطة that moment

تمام

بس بخصوص النقطة بتاعت ان احنا لازم نذاكر درس فى 5 ساعهات ونفهمه احسن من اننا نذاكر 5 دروس فى نفس الوقت
بس المشكلة هنا هى ضيق الوقت . يعنى انا لو قعدت فترة علشان اذاكر درس فده حيخلينى اسيب مواد تانية وومكن المستر يكون مدينى مثلا درسين فأخد فترة علشان افهم الدرس الاول والوقت يروح منى وكده معرفش اذاكرله الدرس التانى فيزعل منى
فنعمل ايه فى مشكلة الوقت؟

انا وضحت النقطة دى و قلتلك .. لو استيعاب الدرس و فهمه و حفظه هياخد منك 5 ساعات خليه ياخدهم .. بشرط انك فعلا تكون محتاج ال 5 ساعات دول ف الدرس ده .. زى ما قلت ما يبقاش 4 ساعات سرحان و ساعه مذاكرة ..
و لو جينا نحسبها .. لو ذاكرت الدرس ده ف ساعه واحده .. بس قمت لا حافظه كويس و فى نقط مش داخله دماغك اووى و محلتش عليه لسه .. هتحتاج تقعد ساعه فى يوم تانى على نفس الدرس .. و ساعه ف يوم تالت عشان الحل .. و ممكن بعد يومين تلاقي نفسم نسيته ف تعيد عليه تانى ف كمان ساعه .. لو حسبتهم هتلاقى نفسك استهلكت برضه ال5 ساعات دول ف نفس الدرس ده ..

اما بقى عشان فكرة الوقت ف دى انت اللى تقدر تحددها .. اللى انا اقصده انك ما تكروتش درس عشان وراك كذا درس تانيين او عشان مايستهلكش منك وقت كتيير .. لا انا عندى انه يستهلك وقت و يثبت ف دماغى احسن من انى ما اخدش وقت ف مذاكرته بس يبقى كانى ماذاكرتوش

ربنا معاكو