ف بكده الخلاصه البدء بدري مش شطارة و مش حاجة حلوة .. ولا اللى بيبدا الاول بيجيب درجاات اعلى الموضوع كله متوقف على الطالب نفسه .. يا يعرف يسند نفسه و يقف على رجله طووول السنة يا هياخدله كام شهر حماسة و بعدين يقع ..
طمنتينى كنت فاكرة نفسى هضيع
ربنا يطمنك يارب
،،،،،
عجبتنى هنا موضوع تنظيم تلت فترات
فترة حفظ (زى العربى والانجليزى) اصل العربى والانجليزى بجزئهم على كذا يوم
وفترة مذاكرة (دى بعد الدرس علطول)
وفترة مراجعة ( دى تكون عدد ساعات متواصلة في اليوم اراجع فيهم تلت مواد)
حلوة الحكاية دى ؟؟
هى حلوة اووووى طبعا .. بس ده ف حالة انك قدرتى تنفذيها ..
مش عايزة احبطك بس انا شايفاها صعبه اووووى ف التنفيذ خصوصا انك عندك 7 مواد مش 5 زيينا .. بس لو قدرتى تنفذيها يبقى خير و بركة .. هتستفيدى منها كتيييير اووى
،،،،،
هى دى بقى الكلمات اللى بقولك جمعيها و احفظيها
اها ايوة فهمت كدا خلاص حلو اووى
تمام 
،،،،
والغياب كنتى بتعملى ايه ؟؟ فيدينى في الحتة دى محدش ادانى عقاد نافع
كنت بتغيبى من اول السنة وكنتى بتعملى ايه
اه احنا بالنسبة لنا كانت الدنيا سايحه ف الغياب .. يا دوبك نزلت 3 او 4 ايام ف سنة تالتة كلها و كان عشان اشوف صحابي كمان 
.. لان كنا بنبقى تقريبا 7 بالكتيييير ف تالتات كلها اللى هى كانت حوالى 14 فصل .. بس احنا محدش كان بيدقلنا ع الغياب .. مش عارفة الوضع بالنسبة لكو هيبقى عامل ازاى عشان سمعت انهم هيخلو الغياب عليه درجات .. ربنا يقويكو صراحة على حوار المدرسه ده 
،،،،،
نصايحك مفيدة جدا كل نقطة بتتكلمى فيها بحس انك علجتيها فعلا
طب الحمد لله .. فرحتيني و الله 
وعادى طولى براحتك بستفيد من كل كلمة
دة شئ يسعدنى جدااا
،، وخليكى معانا في الدراسة حتى لو يوم
انا معاكى يا حبيبتى ف الوقت اللى تعوزيني فيه .. و ان شاء الله اكون معاكو ف الدراسة كمان .. ادعيلي بس انتى
،،،،،
جزاكى الله خيرا
و اياكى
في ميزان حسناتك ان شاء الله