اقتباس:
المشاركة الأصلية كتبت بواسطة دوك اسراء اوف لاين
بجد انا معاك جدا فى الكلام ده ماتزعلش يا دكتور محمد لكن احنا كل واحد فينا حلمه يتحقق ويكون كل الناس بتخليه متفاءل
معلش يا دكتور محمد كأنى اختك الصغيرة استحمل منى الكلام ده
تقريبا كده حضرتك مكنتش عاوز بيطرى وكنت عاوز حاجة اعلى بس مجموعك ما جبهاش ودخلت بيطرى ممكن تكون حبيتها بعد كده فحضرتك مش عاوز تندم انك مااجلتش للسنه دى وتدخل كلية احسن لما المجاميع نازلة جداااااااااااااا فحضرتك بتحاول تعوض ده وتقول فى نفسك ان السنه دى زى السن اللى فاتت فى نفسك وده بيتمثل فى رفضك للواقع ده
مش مهم السن دى اعلى او اقل لان السن دى فعلا نازلة جدا السنه اللى فاتت كان اللى جايب فوق ال 90% 23.5 %ع مستوى الجمهورية السنه دى 9% بس او تقريبا 10% فحضرتك زعلالان ان شاء الله ربنا يوفقك فى الكلية وتبقى دكتور معيد فيها بس خلينا نتفاءل
احنا مع تعليق واحد فى صالحنا حتى لو كان غلط بيخلى قلبنا سعيييييييد جدا ونحس ان الدنيا كلها فرح ومع تليق واحد وحش بنحس اننا نار والواحد خلالاص ينتحر فخلينا نستبشر خييير من غير زعل ربنا يوفقك
|
اولا كدة حضرتك انا كنت جايب مجموع 401 يعنى 97.8% يعنى مش 95 زى حضرتك و دخلت بيطرى فعلا وانا مكنتش عاوزها وكنت عاوز صيدله لكن مش حب فى الصيدله لكن هو كان منهج عندنا فى البيت وخلاص لان عندى 4 اخوات اكبر منى كلهم خريجين صيدله الحمد لله ولما مالحقتش صيدله على 0.1% قلت خير الحمد لله والخيرة فيما اختارة الله ولما دخلت وقريت وعرفت عن الكلية عرفت انى الحمد لله مش داخل حاجة مش كويسه واخواتى عرضوا عليا جامعة خاصة وانا رفضتها و كان عندى اللى يدخلنى اكتوبر حتى لو مفيهاش اماكن و دخلت الكلية ومهمنيش من كلام الجهلة اللى مش بيفهموا حاجة اللى بيقولوا عليها طب بهايم وهما فعلا اللى بهايم ومين قالك انى ندمان انى ماجلتش اقسم بالله انا لا ندمان ولا عمرى هندم على حاجة مش نصيبى ما تحلليش الناس على كيفك لو سمحتى وانا ولا عاوز ابقى معيد ولا دكتور انا عارف كويس هخلص وهعمل ايه و بكره باذن الله كل اللى عاوزة هعملة و فلوس الجامعة الخاصة هعمل بيها عيادة حيوانات اليفة فى مدينة نصر او مصر الجدجيدة وابقى شوفى انا ولا اللى دخل اعلى على حد كلامك يعنى
واللى اعرفة انك هتموتى وتدخلى بيطرى وعاوزاها تنزل مرحلة تانية وعاوزة تعملى تظلم عشان تاخدى درجات وتضمنى انك تدخليها ليه بقى التناقض اللى فى كلامك دا حاولى تكونى شخصية موحدة يا انسه
واخير انا لو عندى اخت صغيرة مكانتش هتكلمنى بالاسلوب دا لانها الحمد لله هتكون عارفة الفرق بين الكلام مع الكبير والصغير
مع السلامة