اقتباس:
المشاركة الأصلية كتبت بواسطة انتيموا
محمد عطية انا حاسس ان كل اما حد يتكلم عن كليات علمي علوم بتروح تحبطة هو انت عشان ربنا
كرمك ودخلت الي انت عايزو مش عايز حد غيرك يخش طب .. عيب يادكتور الدكتور لازم يبقي عندو اخلاق ويتمني
الخير للناٍٍس مش يفضل يحبط فيهم كدا ارجع كدا لكل الردود الي بتردها عالناٍس العلمي علوم هتلاقي
كلها محبطة وزي متكون مقصودة احنا في فترة صعبة ياريت تقدر دا
|
انا على فكرة مش بحبط حد انا والله عاوزكم بس تكونوا عايشين الواقع عشان محدش يسمع كلام الجرايد اللى بتقول ان التنسيق هينزل 4% وفى الاخر يتصدم احنا كان بيتقالنا التنسيق مش هيزيد اكتر من 0.3% وزاد وفيه كليات زادت 1.5 و 2% وفى الاخر كانت الصدمة
انا قلبى عليكم ليس الا عشان محدش يعيش وهم الجرايد و الصدمة تبقى جامدة عليه
والفترة اللى الصعبة اللى سيادتك بتقول عليها دى انا مريت بيها وكانت اصعب كمان وانا بتمنى الخير للكل والله مش حاجة تانية وربنا يكرم كل واحد على قد تعبة ويدخل اللى يستحقة وشكرا لزوقك واحترامك يا استاذ يا محترم