[عزة عثمان]

أصحوا وفوقوا يا مصريين




انا مصريه بحب مصر وبحب شعبها ولا انتمي لاي حزب غير انني أخاف علي هذا البلد وحزينه علي ما وصل اليه أهلها و أدعو الله العلي العظيم ان يخمد نار الفتنة وان يؤلف بين قلوب المصريين جميعا وان يحمي هذا البلد المبارك شعبه وجيشه ...

وقد قال رسول الله صلي الله عليه وسلم "إِذَا الْتَقَى الْمُسْلِمَانِ بِسَيْفَيْهِمَا فَالْقَاتِلُ وَالْمَقْتُولُ فِي النَّارِ

قلت: يا رسول الله، هذا القاتل فما بال المقتول ؟ قال: إنه كان حريصاً على *** صاحبه متفق

عليه"

وفي حديث أخر :أن النبي صلى الله عليه وسلم قال: من أشار إلى

أخيه بحديدة فإن الملائكة تلعنه حتى يدعها، وإن كان أخاه لأبيه وأمه

وفي حديث ثالث :

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ "سَتَكُونُ فِتَنٌ الْقَاعِدُ فِيهَا خَيْرٌ مِنْ الْقَائِمِ وَالْقَائِمُ فِيهَا خَيْرٌ مِنْ

الْمَاشِي وَالْمَاشِي فِيهَا خَيْرٌ مِنْ السَّاعِي مَنْ تَشَرَّفَ لَهَا تَسْتَشْرِفْهُ فَمَنْ وَجَدَ مِنْهَا مَلْجَأً أَوْ مَعَاذًا

فَلْيَعُذْ بِهِ "

صدقت يا حبيبي يا رسول الله ....

فلنعلم جميعا ان كل الدم حرام فلا ننجر للفتن ولدعاوي ال***
فلتستقيموا يرحمكم الله
هذه الابيات هي نداء لجميع المصريين :
أصحوا وفوقوا يا مصريين
مسلمين ومسيحيين
ده العدو جنبنا متربص بنا
اصحوا وفوقوا يا مصريين

شوفوا كام فتنة حوالين بيتنا
ارضنا واحدة وشعبنا واحد
ديننا سماوي
انجيل ..قران .. وجرس وأذان
أصحوا وفوقوا يا مصريين

يدخل ليه ما بيننا جاسوس
ويكون مدسوس
يشعل نار الفتنة في بيتنا
أوعوا الفتنة لتدخل بيتنا
أوعوا الفتنة هتخرب بيتنا
أوعي يغرك اللي يقولك
أجي أحميك ؟؟؟؟
يغدر بيك
أوعي تخلي الغدر يجينا
يخطف أحلامنا و أمانينا
أصحوا وفوقوا يا مصريين

دا أنتوا حضارة شعب أصيل
دا أنتوا حضارة وادي النيل
يلا يا مسلم وانت يا حنا
أيدي في ايدك خليها جنة
أصحوا وفوقوا يا مصريين

كلنا أيدنا في أيد بعضينا
وحدتنا قوة تضمنا
نحقق بيها حلمنا
لكل وطنا وشعبنا
نبني بلدنا ونحمي رايتنا
ونصون بيتنا
أصحوا وفوقوا يا مصريين

يا جيش مصر الجسور
منصور عبر العصور
يا محمد ويا حنا
هنخلى مصر جنه

و جيش مصر العظيم
بيحمى شعبها
مصر بتعشق جيشها
و تحميه بعمرها

اصحوا و فوقوا يا مصريين
اصحوا و فوقوا بكره تروقوا
بكره الشمس هتطلع تانى
بكره تلاقوا نغم و اغانى
بكره تلاقوا مصر عروسه
حارسه بعيونها المحروسه

امشى يا فتنه بعيد عن بيتنا
امشى يا فتنه بعيد عننا
مش هتلاقى صمود زينا
ده احنا كلنا مصريين
احنا كلنا مصريين





نسألكم الدعاء لمصر ان يحفظها الله من الفتن وان يجعلها أمنا و أمانا وان يحقن دماء كل المصريين يارب