[ehabelsapa]

انا غلطان كتير
روحت للأستاذ اللى كنت بروح عنده درس وكنت براجع معاه لقيت فى أسئلة انا قرأتها غلط فحليتها غلط

زى سؤال القوة الضاغطة انا قرأتها القوة المماسية وعملتها صفر ودى غلط لان هو عاوز قوة ضاغطة ودا كان بسبب عدم قرائتى للسؤال مظبوت --- و قاللى دى عليها 1.5

وسؤال جول / هيرتز أنا عملت الوحدة المكافئة جول . متر بدل ما اعملها جول . ثانية ودي حاجة تافهة غلطت فيها وقالى دى عليها 0.5 درجة

وسرعة الموجة فى وسط --- انا عملتها ثابتة لنفس الوسط وتختلف من وسط لآخر حسب التردد والطول الموجى للموجة فى الوسط ----- ومجاش فى دماغى ان العوامل هى درجة الحرارة ونوع الوسط --- ودى حاجة تافهة برضو غلطت فيها --- والأستاذ قاللى ممكن يعديهالك

وعزم ثنائى القطب انا عملتها عزم الاذدواج و كثافة الفيض ودا كان عدم تركيز منى ---- وقاللى ممكن يديلك 0.5 درجة بدل 1 درجة

والسؤال السادس عملت 120 مش 12 على اساس ان الوحدة المكافئة كانت تور ههههه
والسؤال بتاع حول للنظام العشرى دا انا غلطت فيه ههههههه بغلط فى حاجات تافهة
والله أعلم بقى اكون طرحت صح فى سؤال الأوميتر فى الجزئية التانية المطلوبة فيها باين انا طرحت غلط ودا بسبب عدم التركيز

احسب بقى انا غلطت قد ايه وشوف انا هاجيب قد ايه

الاستاذ قاللى انك ممكن تجيب 47 من 50 وكمان دا 47 دى طالعة من عنده بالعافية وكلمة ممكن دى توحى ان برضو مش ممكن اجيب 47
قولتله الحمد لله ونعوض فى اللى جاي وخلاص


شوف بقى انا اتنفخت ازاى

وعلى الرغم من كل دا انا مش عايز حاجة تتشال من الامتحان لأننى شايف ان الامتحان مش مستاهل ان اسألة تتشال منه لأنه سهل ومش صعب زى ما الطلاب الفاشلون بيشتكواا وانا اسف من كلمة فاشلون دى
ما هو مش معقول اى واحد ميعرفش يحل حاجة فى امتحان يطلعوا يصوتوا وعايزين اسألة تتشال

انا اكتر واحد هنضر من العربى لأنه شال أسئلة انا عاملها صح زى اسألة (الأدب + جمع كلمة وحى + الترتيب) وكل دا انا مجاوب عليه