[That Moment]

المشاركة الأصلية كتبت بواسطة lyonenyo

بس يا صديقي انا هقلك كلمة واحدة بس وأنت حر فيها

أقسم بالله العظيم موضوع إن في إختلاف بين مدرسين فأنت محتار بينهم ومش عارف ايه دا مبيفرق في حاجة

إختار اي واحد فيهم وانجز عشان متغلطش غلطتي في اول السنة

رحت ل2 مدرس فيزيا واتضطغت واضطريت اعك الواجبات بتاعتهم بعد كده سبت واحد وخليتني في التاني وضميري أنبني عشان ارجع للأولاني

وهبل هبل هبل كل دا ملوش لازمة أصلا وضيع وقتي على الفاضي
كل ما عليك تسجل عند أي مدرس معروف في المادة اللي عايزها وبعد كده تذاااااااااكر إياك تتخاذل في أول السنة
أقسم بالله لو احترمت نفسك ووقت مذاكرتك من اول السنة تيجي في اخر السنة مرتاااااااح وحاطط رجل على رجل واخر روقان حتى لو ذاكرت كل يوم ساعتين بس اه والله ساعتين بس
ولو غير كده هتندم في الآخر
اللهم بلغت
انا مش بخوفك والله انا بريحك......... من الآخر كده انت لسه فيها وصدقني الواحد بيبدا الواحد بعزيمة قوية استغل النقطة دي
وشكرا )) تقبل مروري

انا معاك فى كلامك ده بس المشكلة ان انا السنة الجاية حاخد درس عند استاذ معين مع مجموعة حاخد معاهم كل الدروس طبعا بس الاستاذ اللى كنت باخد عنده السنة دى سألنى ليلة الامتحان سؤال وقاللى معلش حسألك سؤال محرج شوية فقلتله: اتفضل فقاللى: انت معايا السنة الجاية؟ علشان بس اعمل حسابك قبل ماالجدول بتاعى يزحم وكده يعنى فأنا وقتها كنت فى موقف صعب جدا ومحرج على الاخر وقلتله على واحد حاجر عنده السنة الجاية انى حشوفه وكده فراح الاستاذ ابلغه بالموضوع ده ومن ساعتها انا محتار ... هو ده الموضوع