أنساك.. دا كلام
أنساك.. يا سلام
أهو دا اللي موش ممكن أبدا ولا أفكر فيه أبدا
دا مستحيل قلبي يميل ويحب يوم غيرك أبدا
أهو ده اللي موش ممكن أبدا
ولا ليلة ولا يوم.. أنا دقت النوم.. أيام بعدك
كان قلبك فين وحنانك فين كان فين قلبك
أنا أنسى جفاك وعذابي معاك ما نساش حبك
أنساك.. دا كلام أنساك يا سلام
وأحب تاني ليه وأعمل في حبك إيه
ده مستحيل قلبي يميل ويحب يوم غيرك أبدا
أهو دا اللي موش ممكن أبدا
ذكريات حبي وحبك مانساهاش
هي أيامي اللي قلبي فيها عاش
فيها أحلام قلتها وحققتها لي
فيها أحلامي لسه أنا ما قلتهاش
اللي فات من عمري كان لك من زمان
واللي باقي منه جاي لك له أوان
وأحب تاني ليه وأعمل في حبك إيه
ده مستحيل قلبي يميل ويحب يوم غيرك أبدا
أهو ده اللي مش ممكن أبدا
كان لك معايا أجمل حكاية في العمر كله
سنين بحالها ما فات جمالها على حب قبله
سنين ومرت زي الثواني في حبك أنت
وان كنت اقدر احب تانى احبك انت
كل العواطف الحلوة بينا كانت معانا حتى في خصامنا
وإزاي تقول أنساك وأتحول وأنا حبي لك أكثر من الأول
وأحب تاني ليه.. وأعمل في حبك إيه
ده مستحيل قلبي يميل ويحب يوم غيرك أبدا
أهو ده اللي مش ممكن أبدا