[~ Smile 4 Life ~]

المشاركة الأصلية كتبت بواسطة Ahmed_Alex1

عاوز اسأل حضرتك سؤال برا الموضوع شوية واتمني تجاوبيني بالواقع ومنغير مجاملات ..
انا في 2 ثانوي وعاوز ادخل طب بشري إن شاء الله ، فيه ناس كتير ومن ضمنهم ناس قرايبي اللي بيقعدو يقولو كلام يعقد عن الطب ، المشكلة منهم ناس فى طب وبيقولو كلام سيئ سواء عن صعوبة الدراسة او المستوي المادى بعد التخرج والبهدلة الكتير اوى واللى يقلك محتاج وقت كبيير لحد ما تتشهر وقبل كدة حتعيش متبهدل وكلام سيئ .. ايه رأي حضرتك فى الكلام ده ؟ وليه ناس (وللاسف منهم ناس طلبة فى طب) بيقولوه ؟ لو رجع بيكي الزمن تدخلي طب؟


وشكراً

عفوا..اسمحلي أرد علي كلامك لغاية ما صاحبة الموضوع تدخل
فكرة طب والكلام اللي بيقال عنها انك فين وفين لغاية ما تشتهر وطبعا بعد طلوع الروح مع المذاكرة
كل ده كلام فاااااااضي لو قعدت تسمع لكلام الناس هتجنن
لان كل شئ في الدنيا دي أرزاق وانت علي حسب جدك واجتهادك
انا ابن عمي حاليا اتخرج من طب اديله سنتين وفاتح عيادة
كان قبل ما يدخل الكلية كانوا بيقولوا عليه فاشل ومش هينفع لانه مكنش بيذاكر وعاد الثانوية العامة
ومش هيلحق طب ولا هيحصل حتي نص مجموعها
ولما دخلها ثبت للجميع عكس كلامهم وذاكر في الكلية واتخرج بامتياز
وزيادة علي ده كل اتشهر بسرعة جدا ومش بيلاقي وقت أصلا يتنفس فيه
شغال في مستشفي عام وخاص وعيادة كتر خيره بصراحة
اللي عاوزة أوصلهولك انك أوعي تسمع لكلام أي حد
وهقولك مقولة مصطفي حسني
"لو عندك حلم ومؤمن بيه وعندك العزيمة تقدر تحققه باذن الله
مش مهم الحلم ده قد ايه صغير كان أو كبير.. مش مهم انت فين أو وضعك ايه في بلدك
المهم يكون عندك ايــــمان بفكرتك وبحلمك وبنفسك لان الايمان ده ممكن يحرك جبــــال
ويحركك انت من مكانك عشان تحقق مشروع حياتك وحلمك
الايمان ده هو اللي بيخلي الحلم يصبح حقيقة بعون الله "
انت تعمل اللي عليك وتسيب الأمور والنتايج علي اللي خلقك
بالتـــوفيـق