فى ظل الغلاء الفاحش الذى استشرى فى المجتمع
لابد وحتما واجبارى ان نغطى دروسا خصوصية
موقف حدث لى : اثناء احد الاجتماعات بمعهدى قال لى مدرس
أكيد بقة السنة دى لازم تغششوا الطلبة بتوع تانية ثانوى علشان المستوى الرفيع فى الانجليزى
قولتلة هما مش بياخدوا دروس خارجية عند مدرسين عباقرة واحسن من بتوع المعهد
قالى اة
قولتلة خلاص خلى المدرسين دول يجوا يغششوهم
اما مدرسين المعهد دول غلابة خالص ومبيعرفوش حاجة
الخلاصة :-
اوعى تفتكر انك بشرحك من اول السنة بجد واجتهاد وعدم تضيع وقت الحصة دة هيخلى الطلبة تجيب طب
لا بالعكس الطلبة هتيجى يوم الامتحان زى مبيحصل كل سنة فى لجنة الامتحان ويقعدوا يهللوا ويطبلوا واحنا مبنخدش اى حاجة والمدرسين دول زبالة والكلام اللى احنا كلنا عارفينة وتلاقى واحد مطلعلك مطوة والتانى ماشى بسيجارة فى المعهد وواحد بيسب الدين لصاحبة وواحد بيتعارك مع استاذ مبيغشش
وحاجات فى منتهى التخلف
وتيجى تقول لا للغش فى وسط هذا البحر الهائج تلاقى اللى حواليك يقولولك ياعم مشى نفسك
واطلع مرة واحدة امتحان الشهادة الثانوية هتلاقى بدأ من الموجة مرورا برئيس اللجنة والاعضاء فاتحين الكتب للطلبة يأما كدة يأما ينضربوا بالسنج والمطاوى ناهيك عن ضرب الطوب فى المراقبين وتكسير عربياتهم وبيتشتموا بابشع الالفاظ
انسا اخى الفاضل
الشرطة لازم يكون لها تدخل حازم وقوى
بس فى المرحلة دى مظنش
ثم ان المنظومة بالكامل تحتاج الى تغير بدأ من اولياء الامور
والحضانة والابتدائى مرورا بالاعدادى ومن ثم الثانوى
للعلم :- انا لا أحب الغش على الاطلاق
ولكن لا احب اهدار كرامة نفسى ايضا
__________________
تحياتي مستر :- محمد عاطف
" سبحان الله وبحمده .. سبحان الله العظيم "
|