[ايناس محمد.]

المشاركة الأصلية كتبت بواسطة معلمه من المنقطعين

السلام عليكم ورق ايه اللى بيتسلم وليه وهى دسوق هتفضل دايما نايمه لله الامر من قبل ومن بعد عموما انا عندى خبر حلو للمعلمات المتعاقدات اللى ازواجهن مسافرين للخارج اصبح من حقهن اخذ اجازة مرافقة زوج فقط بقرار محافظ صادر بتاريخ 10\2 ووصل دسوق 26\3 والحمد لله انا اخذتها خلاص وانا اسفه معرفتش انزل صورة القرار بس والله لو رحتو وسالتو استاذ نسيم فى الاجازات فى مديرية كفر الشيخ هيقول الكلام مظبوط ويديكو صورة الفاكس وحقنا محفوظ فى التثبيت لما ربنا يسهل لانها اجازه وجوبيه للم شمل الاسره وربنا يصلح الحال لينا جميعا ومعلش الاخت فريال انتى بتكتبى الخط ده ازاى انا حاولت ومعرغتش ياريت حضرتك تقولى عشان نتعلم منك

و عليكم السلام و رحمة الله و بركاته

منذ حوالى اسبوعين المديرية طلبت من الادارة ارسال صور طبق الاصل للعقود و البطاقات الشخصية للمنقطعين

و بالتالى الادارة طلبت مننا نسلم لها هذه الاوراق

و المؤهل المتوسط و فوق المتوسط اوراقهم سافرت للمديرية الاحد الماضى

و المؤهلات العليا المفروض اخرها غدا لان اوراقها هتسافر الاحد القادم ان شاء الله

و بصراحة مش عارفين ليه

اللى يقول علشان تثبيت و خصوصا المؤهل المتوسط و فوق المتوسط

و اللى يقول دا العقد هيتغير و يكون فيه عقد اخر مشابه للمميز و الراتب هيزيد

عموما كل شئ هيبان على شهر 7 القادم ان شاء الله

بالنسبة للخط

حضرتك فى اعلى الصفحة اللى بتكتبى فيها المشاركة

هتلاقى صفين هم

Tahoma

الأحجام

هتستخدمى منهم اللى حضرتك عايزاه من تلوين و كبر و صغر الحجم

و كمان لو عايزة تكتبى فى يمين او وسط او شمال الصفحة

و قبل اى خطوة بتعمليها لازم تظللى الكلام اللى حضرتك عايزة تعمليه

على سبيل المثال

مكتوب عند حضرتك فى الصف الاول كلمة الأحجام ( دى خاصة بحجم الخط ) الكلمة دى لو عملتى كليك عليها هتفتح هتلاقى ارقام اختارى الرقم اللى المناسب اللى تحبى يكون حجم خطك به
انا مثلا احيانا اختار رقم 4 أو 5

بالنسبة للالوان يوجد فى الصف الاول حرف A
لو عملتى كليك علية هتظهر مجموعة الوان اعملى كليك على اللون اللى يعجبك

طبعا كما قولت سابقا تظللى الكلام علشان الخطوة اللى عايزة تعمليها تتم

حضرتك اكتشفى كل رسمة فى الصفين وظفيتها ايه عن طريق وضع الماوس على كل رسمة

تحياتى