[سيلفانو]

لما تلاقى الناس
واقفه جمبك ومعاك

لما تحس إحساس
ان الأرض بتهواك

لما تلاقى إخلاص
من ناس مش عارفاك

يبقا انت اكيد فى مكان
عمرة فيوم متهان
من خاين او جبان
وخيره باين جواك

لما تحس بأم
ممكن تفديك بالدم
وديما شايله الهم
ومن جرحك هى دواك

لما تشوف الطفل
راجل موزون العقل
ويبهر بذكاؤة الكل
رافع راسك علاك

لما يحزن جارك
وتفتحله بإيدك دارك
وفحزنه تقف وتشارك
وهو إيديه حضناك

لما نلاقى اتنين
فالخير ديما ماشيين
رغم إختلاف الدين
ووحدتهم حمياك

لما نبقا فحرب
وفكل حته فى ضرب
واحنا بنضحك مالقلب
ولا بنخاف الهلاك


يبقا لازم نسجد
ونبوس تراب الارض

ولله نشكر نحمد
إننا إيد وحده بجد


واللى بيظلم يتشدد
عليه ظلمه هيترد


وأى طاغوت بيعربد
قادرين نخسفه ونهد

الله اكبر بنردد
ولا بعده يهمنا حد


بــــــــقـــــلمى ::: نــــــــــــــور