()()()() يآ‘للى مـــــــــفــكر حـــآ‘لكـ ()()()()
ياللى مفكر حالك
لكل الدنيا مالك
ودايمه عليك احوالك
بالفرحه وراحة بالك
بطل فالناس تتحكم
وعلى غيرك تقسا وتظلم
هييجى يوم تتعلم
وفى وقت هييجى زوالك
عمال فالناس تستعبد
ولا يوم كنت بتتعبد
ناسى انك متقيد
من رب الكون المالك
زى مفرجها عليك
قادر انه يبكيك
ويسود لياليك
ويهد كل أمالك
وتبقى فيوم محتاج
وتكون للناس حواج
ومن راسك يقع التاج
ولا تشفعلك اعمالك
وتعيش فقهر وذل
ولا حد عليك هيطل
وتكون مكروه مالكل
لما يتبدل حالك
فكر فيوم مماتك
وانت غرقان فسكاتك
ويمر شريط حياتك
ولا حد يحبك شالك
مهو انت ملكش احباب
شرك كان الغلاب
ولسانك كان سباب
وفاكر دايم مالك
ياللى مفكر حالك
لكل الدنيا مالك
ودايمه عليك احوالك
بالفرحه وراحة بالك
بقلمى ::: MR :NoOoR
__________________
يا رب
آخر تعديل بواسطة مـــــلك ، 04-04-2013 الساعة 08:07 PM
|