العيب فينا ولا في الي بيحصل ؟!!!
لو سالتى اى حد كبير هيقولك انتوا لسه عيال مش عارفين حاجه
ولما انتوا بتعملوا كده من دلوقتى امال بعد كده هتعملوا فينا ايه؟
يعنى حتى مش هيدونا فرصه نزعل ونتضايق من اللى بيحصل فينا
وهيقولوا انتوا صغيرين على الهم انتوا هتشيلوا الهم من دلوقتى ؟
لكن بجد العيب مش فينا ... العيب فى اللى حوالينا اللى مش حاسين بينا ومش فاهمين احنا عايزين ايه؟
بنحب ايه وبنكره ايه؟.... ولو قلتى لحد كده هيقولك روحى شوفى مذاكرتك الاول بلاش كلام فى مواضيع فارغه هتضيع وقتك ... كان زمانك ذاكرتى فى الشويه اللى اتكلمتى فيهم دول ............. صح ولا لاء؟
يمسكك من ايدك اللى بتوجعك بمعنى اصح وطبعا هتسكتى وتقومى تذاكرى وساعتها الكبت هيزيد اكتر وبدل ما يساعدوكى هيضيعوكى
لان الكبت بيولد الانفجار وزى ماقلتى الانفجار ده اضراره كتير
ياجماعه احنا محتاجين حد يسمعنا بجد مش يسمعنا من هنا ويخرج من الناحيه التانيه
او يصدنا ويمسكنا من ايدينا اللى بتوجعنا او يتريق علينا
اسفه انى طولت عليكم
وياريت حد يقولى كلامى صح ولا غلط .... وكمان لو فى حد ليه رأى تانى ياريت مش يبخل علينا بيه
__________________
آخر تعديل بواسطة eyes_smile ، 23-06-2008 الساعة 11:40 AM
|