ارجو الرد سريعا لاني تعبت
انا تعقدت في 1/5/2008 معلم حاسب الي في المرحلة الابتدائية ثم تم تثبيتي بالقرار 515ثم دخلت امتحان الكادر وتعينت 1/8/2012علي معلم حاسب الي ابتدائي
انا حاصلة علي بكالوريوس حاسب الي (من معهد عالي )بتقدير جيد جدا مع مرتبة الشرف +عملت معادلة من المجلس الاعلي للجامعات بكالوريوس تجارة بتقدير جيد جدا مع مرتبة الشرف
+دبلوم تربوي بتقدير بتقدير جيد جدا+ icdl
في عام 2011 طلب مني الموجة الذهاب الي المدرسة الاعدادية بدل زميلتي لانها كانت في اجازة وضع وفعلا ذهبت ثم عدت الي مدرستي بعد رجوعها من الاجازة ثم بعد ذلك زميلتي تم نقلها من هذة المدرسة وجاء مدرس حاصل علي بكالوريوس تجارة لا يفقه شئ في الكمبيوتر التلاميذ والمديرة قدمو طلبات شكاوي كتير عشان تدني مستواة في المادة والمديرة طلبت من الموجة اني اروح المدرسة تاني عشان التلاميذ هما الاطلبو دة وفعلا ذهبت وعملت طلب نقل الي المدرسة الاعدادي
والمشكلة الان الموجة قالي لازم تعملي تغيير مسمي وظيفي من ابتدائي الي اعدادي وفعلا عملت كل الورق وختمتة وسلمتة في التنسيق لكن كانت الصدمة عندما ذهبت الي المديرية عشان اشوف النشرة لقيت النشرة طلعت فيها كل الاسماء ولقيت اسمي واسم وحدة كمان تم شطبهم من النشرة وعندما سالت التنسيق قالولي الاكاديمية هي التي فعلت ذلك و السبب الاكيد لانك معاكي معهد مش كلية تجارة وقالولي بردو اذهبي الي الاكاديمية واسالي
طيب السؤال دلوقتي الاكاديمية دورها تقول ان الموهل مناسب ام لا ولا دة دور الموجة العام بتاع المادة
طيب ما المدرس الا حاصل علي بكالوريوس تجارة غير قادر علي توصيل المعلومة لانهم في الكلية مش بيدرسو حاسب لكن انا صحيح معهد لكني اجيد المنهج ودرست كل هذا
وعلي العلم ان معظم المدرسين حاصلين علي معاهد وانا متاكدة ان في منة بنفس الشهادة دخل امتحن علي اعدادي والاكاديمية مش اعترضت وانا عشان اعمل تغيير مسمي بيرفضو انا الان مثبتة في الاعدادي ولكن المفروض بقا طالما مش غيري هتكون ترقياتي علي ابتدائي ولما الموهل مش عجبهم لية بيشغلوني اعدادي
انا الان تعبت وفكرت ارجع تاني ابتدائي في بلدي
لان الاعدادي انا بركب والشغل طبعا اكتر والمادة اساسية بس حاسة اني بعمل حاجة افيد بها الطالب ودة اكتر شئ مزعلني انهم يوقفو المراكب السيرة رجاء الرد وافادتي
|