[ملكة زمانى]

ليلة العمر دى زى مايكون الكفر فيها واجب مش عارفة ازاى واحد يرضى ان مراتة تعمل عرض جماعى مش لية بس لا لكل الناس وقريبات العروسة واصحابها وكل دول شوفوا بيكونوا عاملين ازاى وفى ناس زى ما يكون بتنزل براسها فى علبة الميك اب وتطلع وفاكرة انها بقيت حلوة باللى عملتة فى نفسها والصيف دخل بقى وحيث ياتى الصيف تكثر الامراض (اقصد الافراح)
لو جيتى تكلمى واحدة فيها هترد عليكى كلاتى لوكانت مش محترمة اساسا وافراح وغير افراح بتلبس كدة لازم تتوقعى انك هتتشتمى (ودا احيانا بيحصل معايا ) اما لوكانت محترمة بس اللى حوليها خلوها تمشى معاهم فى الطريق دة بتقتنع وبتتضايق من نفسها كمان
بس الفرق بقة فى طريق عرض الموضوع يعنى مش تيجى تكلميها تقولى يا مش عارفة اية اية اللى انتى عاملاة دة دا انتى هتدخلى النار وانتى وانتى و........... صدقينى مش هتعبرك وهتكرهك كمان هتقول دى الشيخة بتاعت حرام
اما لو دخلتى عليها تمدحيها (وكل الناس بتحب المدح ) تقوليلها الله الله اية الجمال دة انا اتلغبط بينك وبين العروسة ولا اليك اب يالهوى ع اليك اب قمر ملاك واقفة معايا و......... بس مش كتير عشان متحسش انة بكش وبعدين تخديها على جنب وبرضو تفهميها غلطها بالراحة جداااااااااا
على فكرة يا جماعة لازم تكلميها بالراحة عشان فى ناس بتعمل كدة زى صاحبتها ومتعرفش انة غلط
قال تعالى :"ادع الى سبيل ربك بالحكمة والموعظة الحسنة وجادلهم بالتى هى احسن "
عارفين انا اذا اتجننت ورضيت انى اتجوز مش هعمل فرح اسلامى ولا عادى انا مش هعمل فرح اصلا احنا هنوفر فلوس الفرح ونعمل بيها عمرة او حج على حسب الظروف اجمل حاجة انى ابدا حياتى مع الانسان اللى هكمل معاة حياتى بشىء دينى عشان ربنا يبارك جوازنا مش نبدا برقص ومسخرة هنعيش حياة نكد