نسيت أقولك معلومة مهمة . بخصوص المجال الهندسى فى مصر منقسم لنقابتين
نقابة المهن الهندسية " نقابة المهندسين حالياً "
نقابة المهن الزراعية " نقابة المهندسين الزراعيين "
فالمجال الهندسى فى مصر منقسم لهيئتين مهنيتين فيمكن انقسامة لتلاتة و 4 هيئات
فياريت بقى متشتغلش نفسك و تشتغلنا و تقول بقى ان مينفعش تعمل نقابة و الحوارات العيانة دى و مسمى مهندس ليس حكر على نقابة بعينها . المجال الهندسى فى مصر اتقسم و يمكن تقسيمة و اعادة تقسيمة عادى جداً
و خريجين حاسبات سينشئون نقابة مهنية منفصلة تماماً و دة حقهم طبقا للقانون و الدستور و لن ينضموا لنقابات بتاع معاشات و رحلات و حج و عمرة لان نقابات زى المهندسين و العلمين و التجاريين مفهاش مزاولة مهنة على الأرض زى الأطباء و المحامين و الصحفيين فهى أقرب للنقابات العمالية بتدى خدمات بقى و حج و عمرة
الأمر التانى انا شايف انك دخلتنا فى حوار تانى الوضع فى مصر و نقابة المهندسين .
اللى انا شايفة من خلال حقدك الكبير على حاسبات اللى هنعتبرة اهتمام بدل مانت مضيع وقتك كدا فى كلام ملوش لازمة . هاتلنا كدا تجارب الدول فى تنظيم المهن المتعلقة بمجال الحاسبات و المعلومات هاتلنا كدا تجارب أمريكا و بريطانيا و اليابان طالما انت شايف نفسك علامة كدا و عارف كل حاجة و عبقرى و طالما مهتم بشىء كدا اوى فالأفضل انك تقولنا اية البديل ..
ملحوظة مناقشتك دى فادتنى جداً فى التعرف أكتر على الهيئات المهنية العاملة فى المجال و توصيفاتها المهنية لان دا هيتضاف لقانون نقابة " مهندسى البرمجيات " المهنية اللى أعددناة بالفعل دا غير ان وسع رؤيتنا عن المجال و الوضع المهنى العالمى و تطوراتة فانا بصراحة مستفيد من الحديث دة عرفنى كتير و أعتقد انك نفسك اتصدمت بالوضع العالمى لانك فاكر الأمور ماشية عافية و دة شىء جيد اننا نعرف بقى اننا متأخرين ب 100 سنة ضوئية فى المجال دة عن باقى دول العالم المتخلفة و المتقدمة .
آخر تعديل بواسطة faten forever ، 12-01-2013 الساعة 08:11 AM
|