[المريسي]

توجو مزراحى ( اسكندريه، 2 يونيه 1901 - روما،5 يونيه 1986 ) كان أحد رواد فن السينيما فى مصر. مارس مزراحي كل الفنون السينمائية من التمثيل والانتاج والاخراج و حتى كتابة السيناريو، و ظهر فى دور ممثل في فيلم "الكوكايين" سنة 1930 ، و فيلم "خمسة آلاف و واحد (5001)" سنة 1932. وكان آخر أفلام اللى انتجها "مزراحي" فيلم "سلامه" سنة 1947 بطولة ام كلثوم و كان فيلما تاريخيا عن ايام الدوله الامويه.

ولد توجو مزراحى فى اسكندرية لعائله يهودية. وتعلم فى مدارس الاسكندريه , حصل على دبلوم التجاره الفرنسيه و سافر ايطاليا سنة 1921 ليكمل تعليمه فى دراسة التجاره و عاش فى فرنسا، وفى سنة 1928 عاد الاسكندريه. وبعد رجوعه اسس شركة "الأفلام المصرية" فى اسكندريه، و فى سنة 1929 أسس استوديو سينمائى كان مكانه سينما ليلى فى حى باكوس وجهزه بمعدات التحميض والطبع و غرف الممثلين، وفى بداية رحلته مع السينما ظهر بإسم "أحمد المشرقى" لخوفه من عائلته. و فى نهاية مشواره السنيمائي نقل نشاطه للقاهرة وأخرج 19 فيلم، وأنتج بعض الافلام ، و فى سنة 1948 غادر مصر و رحل الى إيطاليا و عاش هناك و هجر النشاط السينمائى.

توجو عمل مع ليلى مراد و وانتجوا مجموعه من اروع الأفلام فى تاريخ السينما المصريه اهمهم: ليله مطيره و ليلى بنت الريف و ليلى بنت الفقرا و ليلى بنت المدارس و ليلى فى الظلام.

افلام توجو مزراحى كانت انعكاس للثقافه المصريه المتسامحه فى التلاتينات و التى كانت معظمها تم تمثيليها فى مدينة اسكندريه اللى كانت بتعيش فيها ***يات و اديان مختلفه و الكل بيحترم الكل ويعيش معه فى هارمونيه

"توجو مزراحى" ترك مصر سنة 1948 عند تأسيس دولة اسرائيل بعد ما اتهمه البعض بالصهيونيه و فضل انه يهاجر على ايطاليا البلد التي انحدر منها اجداده مثل كتير من اليهود المصريين اللى اضطروا يتركوا مصر لكن رفضوا انهم يذهبوا الى اسرائيل.
من اشهر افلام توجو مزراحى فيلم سلفنى تلاته جنيه