اقتباس:
المشاركة الأصلية كتبت بواسطة lally adel
طيب بناء على الكلام دة ف السؤال بتاع اوجد المقاومة المكافئة ف أ مثلا التيار هيمشي ف ( 4 و 3 و 4 ) اوم بس و مش هيعدى فى المربع ده و كدة هيبقي كانهم متوصلين توالى لان التيار ما بيتجزاش و المقاومة الكليه تبقي 11 ؟؟؟ بس الاجابة 10 .. ازاى ؟؟
انا مش عايزة اطول عليك اكتر من كدة عشان معطلكش عن اللى وراك .. ربنا معاك و لو مشغول اتفضل .. انت كفيت و وفيت .. جزاك الله خير
|
لية ما كل طريق ماشى فيه مسدود بالمقاومات و لازم هايعدى عليهم كلهم
التيار الماشى فى 4 أوم هايتجزء جزئين .. جزء يعدى على المربع .. و جزء على 3 أوم
لازم نخلص من المربع الغريب دة الأول .. 5 و 7 دول كل واحد فيهم متوصل توالى .. يبقوا 12 أوم و 12 أوم متوصلين على التوازى .. يبقوا كلهم 6 أوم
بالاستيكة بتاعتى آجى و امسح المربع دة و احط بداله مقاومة عادية 6 أوم .. هانلاقى إنها متوصلة توازى مع 3 .. يبقى كلهم 2 أوم بالقوانين العادية .. نمسحهم كلهم و نكتب 2 أوم بدالهم
فاضلنا أية بقى ؟! 4 و 4و 2 أوم كلهم متوصلين توالى .. تبقى المقاومة المكافئة 4 + 4 + 2 = 10 أوم