الحكاية مش انك تقرا الدستور لازم كمان تقرا دساتير العالم وتقارن بينها وتقرا كتب في القانون والدستور و تسمع الخبراء والفقهاء الدستوريين عشان تقدر تحكم والا لو مكنتش فاهم في الدساتير ومعندكش اي خبرة لو قريت دستور االصومال هتقول عليه دستور كويس .. عشان كدة لازم تقرا الدساتير العالمية وتسمع الخبراء الدستوريين وتحلل الدستور مادة مادة وتحاول توصل لنتبجة
انا شخصيا قريت دساتير كتير زي روسيا والبرازيل وعملت مقارنة بين الدستور المصري والبرازيلي و قريت المسودة حرفا حرفا وكلمة كلمة من الجلدة إلى الجلدة بما فيها الديباجة وقارنته بدساتير العالم ووجدته معيبا وينقصه الكثير هتقوللي مش مشكلة لو مادة ولا اتنين يتعدلو بعدين (مع ان اغلب المواد معترض عليها وكتبت دا في مقال على مدونتي الشخصية على بلوجر مع الاسباب ) اقوللك ان نظام مبارك كله كان ماشي على مادة التوريث والحكم الطويل (مش عايز اقول الدائم) بتاعت مدد الرئاسة يعني مادتين بس
فاحنا لازم مش نقراه بس لا دا لازم نشوف دساتير العالم المشهود لها ونقارن و نسأل من هم أعل منا خبرة وعلما
قال تعالى :"وما أوتيتم من العلم إلا قليلا"
وقال شاعر :
قل لمن يدعي في العلم منزلة ......... حفظت شيئا وغابت عنك أشياء
وشكرا ....
__________________
لا إله إلا الله عدد ماكان وعدد مايكون وعدد الحركات والسكون سبحان الله وبحمده سبحان الله العظيم
|