شهيدنا عند ربّه مع الأبرار وصحبٌه لسّه عايش ف القـهر
بيهتف ياعالم : أنا من الثوار ومش مصدق إنّه فاته القطر
والشاطر ركب ومعاه الشطار والسلطان سيطر على القصر
والثائر الحق صبح رواد قندهار واللى زعلان يشرب م البحر
بعد الروح والعين ياصحبى إيه هتقدمه والمرشد قبض المهر
ولو هتموت تحت قطر أسيوط مسيرنا ننسى ياكبدىبعد شهر
هو دا رهان حكامنا من زمان - ينسونا بالهم والجهل والفقر
هتنسى وهتسلم رغم أنفك !!!!!!!!!!!!!!
لما نوصل أن القاضى فارس العدالة مهدد وخايف على عمره
يبقى احنا لازم نموت بالسكته القلبية
حسرة على بلد الأمن والأمان
حسرة على بلد القضاء والعدل
حسرة على بلد الحضارة والتاريخ
هما الإخوان والسلفيين طماعين كدا ليه ؟هما بيشبعوا بإيه ؟
وبدل ( وأما بنعمة ربك فحدث ) لا (هنجيب عاليها واطيها )
هما لحمهم ده مصنوع من إيه ؟
الشباب بيحرقوا فى بعض فى ميادين مصر
وفريق الغريانى شغال سلق!!!!!!!!!!
المحلة واسكندرية ودمنهور والمنصورة بتولع فى شبابها ولاد البلد
والإخوان ورئيس الديوان بيرسل لنا رسائل (لاتراجع ولا استسلام)
تراجع عن إيه واستسلام عن إيه
والبلد دى بلد مين ؟
طب مايطلعوا لنا عقد ملكية ولا حتى إيجار كدا !
يمكن نكون احنا المغيبين ومش فاهمين ولاداريين !
لاحول ولاقوة إلا بالله
باقى فيكى إيه غالى يابلد
يفتخر بيه البنت والولد
كله اتفرم تحت طغيانهم
ولن ينجينا من خداعهم سوى الواحد الأحد
اللهم احفظ مصرنا بعطفك ورحمتك
فقد هرمنا من مكائد شيوخنا وحكامنا
__________________
الحمد لله
|