ممكن بمرتب ال315 ان مدرس مساعد يبيع اعضاؤه عشان ياكل عيش وممكن تلاقيه بينادىفى سوق
حد عايز حتة منى
مش هبالغ مش هغالى
أصلى بايع غصب عنى
مش تجارة ف حر مالى
...حد ياخد قلب أبيض
اشترى به عيش وجبنة
حد ياخد ننى أغمض
اشترى به كيلو سمنة
تشتريلك كبد طازة
يشتغل ميت الف ساعة
عمره مابياخد أجازة
عمره أطول م الاذاعة
حد محتاج الصوابع
فيها ألف وألف حرفة
كهربائى بتاع مطابع
أسطى باشا أخد سلفة
حد ياخد معدة جامدة
ياما شافت ياما داقت
لا وبنت اصول معاندة
تسترك لو مرة جاعت
حد يطلب حد يؤمر
بس يدفع فورى كاش
اصل طعم الفقر
وياما قبلى باع وعاش
قلم /هيثم عبدربه السيد
القصيدة نشرت بجريدة الجمهورية
__________________
النار لاتحرق الا رجل واطيها
اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى