[حـيرم]

المشاركة الأصلية كتبت بواسطة صوت الامة

مظاهرة " مصر موش عزبة " التى دعا اليها العلمانيين والليبرالين جميلة وثورية واهدافها سامية ووطنية
مليونية " تطبيق الشريعة " التى دعا اليها التيار الاسلامى كخة ووحشة وضد الثورة وطائفية ويبدا الهجوم وتشوية الصورة فورا ..
هكذا تكون المليونيات والتعبير عن الرئ فى نظر قلة لا ترى من جموع الشعب المصرى
رحمااااااااااك يا الله

هى فين اصلا المليونيه دى
ومين ال دعى ليها . ال دعى ليها واحد مجهول الهويه
استجاب له بعض من الناس والباقى رافض انه يشارك فيها .
طيب هما نفسهم ال لغوها دلوقتى بعد ما اختلفوا عليها
ال اختلفوا دول من التيارات الاسلاميه عليها دول فى نظرك ايه . كخه برده ووحشه وضد الثورة وطائفيه . وهما هجموا على نفسهم وشوهوا صورتهم !!!!!!!!!!!
المليونيه اتلغت من الاصل ومحدش مشارك فيها اصلا من التيارات الاسلاميه
ايه الحال دلوقتى . نهجم بقى عليهم ونقول انهم تراجعوا عن تطبيق الشريعه ولا اى شىء تجيبوه فى التصنيفات الجديده للمصريين . بنى علمان وبنى خزاعه وبقيه القصه ؟
انا عندى سؤال بس نفسى حد يجاوبنى عليه
هى شريعه مبارك تلاتين سنه كانت جميله قوى كده وكان التيارات الاسلاميه دى بتعشقها للدرجه دى . مسمعناش صوتهم ابدا ايام مبارك . ياترى ليه
ياترى عشان مبارك كان امير المؤمنين . والخروج عليه كان كفر بالله .
لغايه دلوقتى التيارات ال بتدعى انها سلفيه عمرها ما اعترضت على مبارك بل وكفرت المتظاهريين عليه . وعمرهم ما شاركوا فى مظاهرة واحده ضد النظام . ابدا
بل شاركوا فى جمعه قندهار فقط . ال قالوا فيها
يامشير يامشير ولادك اهم فى التحرير
ويامشير يامشير انته الامير
هو المشير كمان كان امير المؤمنين فى الوقت ده وكان المصريين بنى خزاعه هما ال كفرة بس