انا مش حبيبتك
وخلاص كرهتك
وكرهت ضعفي وشوقي ليك
وكرهت صوتي لما يعلى ويناديك
كرهت اسمع كلمه بحبك من شفايفك
عشان بتكدب ومش حقيقي
أنا مش حبيبتك
وده كان كلامي ليا
لما وقفت قصاد مرايتي بكت عنيا
من الوجع
حزن السنين
جرح الحنين
حسيته جنبي هايسمعه
خفت أوجعه
وطيت في صوتي ليسمعه
ومسحت كل دموعي ديه
ورسمت عالوش الضحكه اللي هيه
وخرجت ليه راسمه ابتسامه
حس هو بفرح ياما
حس اني سعيدة فعلاً ويا قلبه
نزلت دموعي غصب عني من الوجع
لما سأل سبب الدموع
فرميت بنفسي جوه حضنه
سمعت كل دق قلبه
خفت أوجعه
قولت الدموع سر السعاده
ودي فرح بزيادة
مش حزن ووجع
فرحانه اني عايشه لسه بين إيدك
قال أذيتك
قولت اسكت
عمري كله ملك ليك
والصراحه لو هاقول
أني بعشق كل حاجه بشوفها فيه
وأني فعلا عايشه ليه
وأني نفسي يجي يوم
هو بس يحس بيا
ذي أنا ما بحس بيه
هيه دي كل الحكايه تنفع روايه
أو مسلسل تركي ذي ماقال كتير
__________________
النار لاتحرق الا رجل واطيها
اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى
آخر تعديل بواسطة مـــــلك ، 29-10-2012 الساعة 11:14 PM
|