[مـــــلك]

مش عايزة أحب

خلاص تعبت من الكلام
أحساس بجد وفجأة جاني
مش عارفه مالي
غير أني فعلا مش عايزة أحب
أنا عايزة أنسا كل حاجه
أنسا قلبي وأنسا نبضه
وكل تعبه
أنسا روحي اللي داقت مر علقم يوم في بعده
وأنسا جرحه وأنسا ظلمه
وأنسا أنه خاني هاني مرة جنبة
عايزة ابدأ من جديد
عايزه أنسا كل حاجه
وعقلي وقلبي أعملهم شيفت دليت
لكل شئ جوه منهم
حتى أسمي
نفسي أنسا كل حاجه صدقوني حتى نفسي
عارفه اني غريبة فعلاًً
بس حاجه جوه مني عايزه تطلع
رافضه تفضل جوه مني عشان بتوجع
مبقتش فرحانه أني سهله
ومش صعبه وحويطه
بقيت بحس أني عبيطه
عايزة أنسا أني حبيته كل لحظه وكل دقيقة
وهو حتى معرفش بعد جراحه فيا يحبني
كل اللي قادر يعمله
أنه بجراحه يذلني
عايزه انسا كل ده
عايزة أنسا ملامحي اللي بشوفها في حبي ليه
وعايزه أنسا لمعه عنيه
عايزه أنسا يعني ايه اشتاق إليه
عايزه أنزع قلبي مني
وأحرقه بكل اللي فيه