كل الكليات تعب انا اول ماالدراسة بدات كنت فاكرة ان طب بس اللى بيتعبوا ويتعذبوا بس لاقيت كل زمايلى اللى فى كليات تانية برده فى نفس العذاب امتحانات كل يوم وكلام بلغة تانية معذبهم وخصوصا ان معظمنا تخصصات بتستخدم انجليزى الطب اكيد بناخد لاتينى واللى دخلوا تجارة دخلوا انجلش والتربية اختاروا انجليزى فكله بيواجه نفس المشاكل فى اول سنة وطبيعى اننا نلاقى صعوبة فى البداية بس لازم نذاكر انا مثلا عندى امتحانات الميد تيرم بعد العيد على طول والدكاترة قالوالنا ذاكروا فى العيد وماتعيدوش وطبعا لاننا فى امتحانات اعمال السنة ماكناش عارفين حاجة واحتمال ننقص فيها كتير لازم نذاكر بس انا قلت هاخد النهارده وبكره اجازة واذاكر من تانى يوم العيد ان شاء الله طالما دخلنا كليات لازم نكون اد المسئولية ونذاكر حتى لو لقينا صعوبة ومافهمناش من اول مرة وكل حاجة هتبقى سهلة قدام ان شاء الله بس نذاكر ونتوكل على الله
|