[مـــــلك]

أكيد هايحس بعذابي

هايجي اليوم انا حاسه

هايجي حبيبي ويقولي

خلاص ياحبيبتي سامحني

كانت غلطه

وانا أسف

ومش عايز أشوف تاني

دموع منك على خدك

انا حاسس وجع قلبك

وسامع صوت أنين عالي

وشايف جرح جواكي

ونار قايده شايفها لهيبها في عنيكي

أنا اسف

ومش هارجع تاني أقسى

والا هاجي على قلبك

انا حاسك انا عاذرك

انا هافضل هنا جنبك

هاعوض قلبك المجروح

مانا جرحته

وانا خونته وعذبته

وبكيته وسهرته

هاحقق كل احلامك

وعمري الجاي ده ليكِ أنتِ

هاعيش أسعد انا فيكِ

كفايه عذاب كده عليكِ

وهايقول ليا ياما حاجات

وحب وشوق ياما خباه

أكيد هايحس ويقوله

عشان عايزاه

انا هافضل هنا عايشه

ومستنيه يجي اليوم

يحس حبيبي بعذابي