الأحياء مادة لذيذة جداً
بس عايزة تتفهم علشان تعرف تتحفظ و ماتتنساش
كل الحكاية إنها عايزة مراجعة دورية يعنى
تتذاكر كل يوم
دى اكثر مادة فى التعليم عايزة مذاكرة .. اكثر بكثير من الفيزياء كمان
كنت بعتمد فى حفظها على طريقة الببغاء
بكرر المعلومة كتير
بس كنت دائماً بيرجع من الأول أثناء السنة و راجعت على المنهج أكثر من 20 مرة طول السنة قبل المراجعة النهائية
و المدرس كان بيرجع كتير أوى للوراء و يمتحن امتحانات شاملة طول السنة
بخصوص ماذا يحدث إذا
مدرسنا العزيز كان دائماً بيقولنا إنه سؤال غبى الممتحن حاطه فى انتظار إجابة أغبى
هاتنفى الجملة المحفوظة
ماذا يحدث إذا لم تكن هناك شعيرة جذرية
لن يحدث امتصاص للمياه ولا للأملاح
ماذا يحدث لو لم توجد عملية بناء ضوئى
انفى كل الوظائف الى عندك سواء إن الحياة ظاهرة فوتوكميائية و إنها مش هاتطلعنا لا أكسجين و لا الطاقة الكيميائية من الدهون و البروتين و النشويات و مش هاتطلع الأشياء المستخدمة فى الصناعة سواء الـ plant and animal fibres أو inustrial products أو الوقود الحفرى .. إلخ
انفى كل الكلام المحفوظ يطلعلك الإجابة
و هو فعلاً سؤال غبى يعنى
لو قصدكم رسومات الرسم البيانى الى بيتسأل عليها دى بتييجى بكثرة الحل
أهم حاجة بس الى الرسم البيانى يترجم فى عقلك لكلام مرصوص علشان الرسمة تتحل
يعنى لازمة أى رسمة عموماً تتدرس بعناية قبل ما نتسرع بالإجابة
و مانتحاولش نتفذلك على السؤال و نباينله إننا عباقرة .. لإن فى طلبة ذكية بتفتكر إن مفيش أى سؤال سهل و إنه حايط خدعة فى السؤال أكيد
و هو عموماً كل حاجة عندك فى البيولوجى .. حفظ و أسئلة فهم و رسومات بيانية و رسومات ببيانات و كل حاجة يمكن تخيلها