هو انتوا مكبرين ليه الحكاية للدرجة دي
أنا مش شايفة ان الموضوع مستاهل كل ده
لإن زي ما قال خالد كل واحد هنا عارف حدوده كويس
ولو علي كلام حضرتك يبقي كده أغلبية أعضاء المنتدي مش كويسين!!
أنا ده المنتدي الوحيد اللي بدخله وبجد أنا حباه جدا وعمري ما شفت أي مخالفة من أي حد
بالعكس تماما الكل هنا بيتعامل بكل أدب واحترام ودي حاجة مش محتاجة توضيح
بس أنا أسفة مش معني ان بنت تعلق علي شاب أو العكس
يبقي الاتنين مش محترمين
ده مجرد كتـــابة ومفيش ولد أو بنت بيتجاوزوا حدودهم المسموح بيها
.......
طيب انا في مدرسة مشتركة ومعايا أولاد في الفصل وأحيانا بيحدث نقاش ما بينا
قدام الاستاذ في الفصل علي مسألة أو نقطة معينة في الدرس
وأحيانا الطلبة نفسهم بيسألونا في حاجات في أمور الدراسة ونجاوبهم أو العكس..
ولـــــــكـــن
طبعا في حدود الادب والاحترام وبضوابط معينة
فهل ده يبقي حرام؟؟؟