انا كنت فى تانية ثانوي السنة اللى فاتت و جبت فى الانجلش 24 من 25 و الدرجة دي كانت عدم تركيز مني مش اكتر ,, و مجموع كلي 98.5 الحمد لله ..
و اللي طبقته في كل المواد هو اللى هتطبقه فى الإنجلش .. مع شوية اضافات لأن الانجليزي محتاج حاجات من بره الكتاب !
بس اهم حاجة تذاكر كتاب المدرسة و خصوصاً Reading - Listening - Critical Thinking ..
و تحل على اد ما تقدر (سواء من ملازم أو كتب خارجية) اسئلة Speakers و Situations و Translation و قطع فهم (دي اكتر حاجة تهتم بيها)
و تحاول تحفظلك فى الاسبوع يجي 50 كلمة .. يعني فى الشهر 200 كلمة .. يعني فى حوالي 7 شهور 1400 كلمة ,, و خلي الشهر التامن دا لمراجعة الكلمات اللى انت حفظتها لأنك ممكن أو اكيد هيقع منك شوية كلمات بعد 7 شهور ..
اهتم جداً بتركيب الجمل و كل كلمة بيجي بعدها حرف جر ايه و بعد حرف الجر دا اسم ولا v+ing زي Answer + to و هكذا ..
الجرامر بتاع تالتة افهمه من المدرس و حل عليه فى اي كتاب خارجي كويس ..
و فى شهر 2 أو 3 ابتدي حل الـWB و النماذج .. و بإذن الله مش هتقل عن 24 دا لو الامتحان جاي صعب جداااااااا
|