مع إنها هاتفيد الكلية عندنا لأن العدد هايقل و بما إننا أعلى درجات بعد صيدلة فتقريبا أغلب اللى هايتقبلوا هايبقى اللى محولين من عندنا
بس فى حاجة نفسى أقولها لدكاترتنا اللى فى أولى
لو عايز/ة تحول لصيدلة بس عشان هى خدت مجموع أعلى فأخش أعلى كلية....أولا ده مش معيار عملى خالص و كمان بعد اللى حصل كدا الحد الأدنى لصيدلة هايبقى أقل من علاج طبيعى يعنى حتى بالمعيار الغلط علاج طبيعى هاتبقى أعلى
لو لسا معرفتش أيع هى علاج طبيعى معلش هى غلطتك و غلطتنا برضه
الأتحاد عمل شغل عالى جدا وقت التقديم و قبلها و ده قصادى و كمان الأيام اللى فاتت فى دخول الدراسة و لسا كمان و ممكن توقف أى حد من الدكاترة اللى أكبر و تسألهم بس حاول يكون الأتحاد أو ممكن أسر عشان بس ميقعش حظك فى حد كاره الكلية بالدكاترة و يعقدك
لو أنت بقى كان طموحك صيدلة أساسا عن أقتناع ده اللى يحول
و سواء هنا أو فى صيدلة لو دخلتها من غير ما تقتنع لمجرد إنها كلية قمة و خلاص يبقى معلش أستحمل بقى تعب سنين الكلية و تتخرج ع الحركرك لأنك مش عاجباك الدراسة و تشتغل شغل مش عاجبك و فى صيدلة ديلوقتى الأغلب يا مندوب مبيعات شركات أدوية يا صيدلية موضوع شركات الأدوية و تصنيع الأدوية بقى صعب جدا و كمان قسم الكلينيكال اللى بيتعامل مع المريض ده موجود فى صيدلة القاهرة مش حلوان و بمبالغ زى الخاص
ربنا يوفقكوا للخير
|