بوابة الثانوية العامة المصرية - عرض مشاركة واحدة - (::)(::)>> أسجن العضو اللي قلمه بيعجبك <<(::)(::)

مـــــلك · #2 12-09-2012, 01:17 PM

اقتباس:

المشاركة الأصلية كتبت بواسطة سيلفانو

يا دنيا ماليها الشر
وتايه فيكى الخير

الطيب فيكى انضر
وجراحه ديما كتير

مش لاقى فيكى مفر
غير دعوة لرب كبير

داق منك ياما المر
بيشوف وكأنه ضرير

عايش فالدنيا يخبط
رايح يمين وشمال

على كل باب بيخبط
مستنى رد سؤال

ظلم وعليه بيتظبط
وياما عن جرحه قال

والهم فقلبه بيشبط
ولا ليه ألمه مجال

يا دنيا حنى علينا
ليه راضيه بدمع عنينا
ليه الشوك يملا ايدينا
فجناين خضرة وورد

يا دنيا ايامك صعبه
ضاعت فيكى المحبه
وقولبنا منك شاربه
ذل العذاب والحقد

فيكى العزيز مذلول
وباب الخير مقفول
ولما بنشكى وبنقول
ما بنلاقى حد

لا حد يحس جراحنا
ولا حد يحب افراحنا
كل ما فيكى بيدبحنا
واحزانا ما تتعد

يا دنيا ماليها الشر
وتايه فيكى الخير

الطيب فيكى انضر
وجراحه ديما كتير

مش لاقى فيكى مفر
غير دعوة لرب كبير

داق منك ياما المر
بيشوف وكأنه ضرير

أبدعت أبدعت أبدعت
وليس بالجديد عليك الابداع
فهو سمة قلمك
الذي طالما أدهشنا بكلماته

تسلم إيدك