[أ/رضا عطيه]

أغنية الوداع

كان فيه صناديق خاصة ----- بمليارات الجُنيهات
محجوزة لحرامية خاصة ---- فى كل المحــافظات
مالُوها بعــرق الغـــلابة ---- وفلوس المعــاشات
وخرج الشعب يهتف ----- فى كل الميــــــادين
مفيش صناديق خاصة ----- ودا حق المصريين
أه حق المصريين --- ولكل المصرييييييييين
إييييييييييييييييييييييييييييييييييييييييييييييييي ييييه


وقعد الفقير يتمنى ------ وعاش ف الأحلام
لكن ياميت خسارة ------ الحلم صبح أوهام
استولى عليها البُعده ------ والفقير شبع كلام
فلوسنا راحت المقطم ------ والسلطة كمان وكمان
والبلد قروا فاتْحتها ------ وسيطرواعليهاالإخوان
أه ف زمن الإخوان ----- صحيح هما إخوان
إييييييييييييييييييييييييييييييييييييييييييييييييي ييييه



الشعب كله فاسد ------ ومفيش غيرهم ثوار
لوتعارض حد منهم ----- تبقى هتخـُــــش النار
وفتوى وراها فتوى ----- تروح ف التيـــــــــار
يانخب يا مأنْسنا ------ ع الصحف والفضائيات
خلاص خِربْتوا بيتنا ----- وضاعت الجِرشينــــات
ياخوف تكونوا شُركا --- وقبَضتُّوا العُمولات
إييييييييييييييييييييييييييييييييييييييييييييييييي ييييييه