بقولك يا منير , أنا جايب مجموع اعتبارى 93% و 47 من 50 فى الانجليزى و للأسف 7 من 10 مستوى رفيع انجليزى برضو , و قبلت فى تجارة عين شمس , و قدمت على انجليش و أدينى مستنى النتيجة , من الأخر كده ايه هى نسبة قبولى فى الانجليش
أصل أنا ضاعت منى هندسة بعد ما كنت جايب 97 فى تانية , فبجد هتبقى صعبة أوى عليا ان انجليش تضيع عليا ,
و أنا بجد كويس فى الانجليش كنت جايب 25 من 25 فى تانية , و عارف كويس انى مهما كنت كويس
الموضوع هيبقى صعب فى أوله انى أدرس كله بالانجليش , و بحب الاحصاء جدا و بحب الرياضة واحد و اتنين فحت , أنا اللى نقصنى فى الثانوية الفيزيا مش أكتر , و الاقتصاد برضو بحبه الى حد ما .
فأسئلتى كالتالى :
1-نسبة قبولى فى تجارة انجليش عين شمس كام (من رأيك يعنى) , كانت 92.2% السنة اللى فاتت المجموع الاعتبارى بتاعها .
بص موضوع نسبه قبولك فى الاول وفى الاخر دا نصيب لو مكتوبلك هتخش بس من وجهه نظرى نسبه قبولك كبيرة جدا وهتخشها عادى ان شاء الله
2-عرفنى كده على أقسام تجارة انجليش ايه و لو أنا كويس فى الرياضة و الحسابات و الاحصاء و يعنى مش أوى اقتصاد ايه أنسب قسم ليا و ايه فرص شغله بعد كده , بنوك يعنى و الا ايه ؟
اقسام تجارة انجلس هى الاحصاء والمحاسبة وادارة اعمال واقتصاد
انا مينفعش اقولك انى قسم احسن لانك هتتخصص فى رابعة وهتجرب كل المواد بس فى راى انت هتلاقى الاحصاء والمحاسبة احسن حاجات بس الاحصاء هتكون احسنلك
موضوع الشغل دا بيبقى حسب خبراتك ولما تنزل تدريب والكورسات وتقديرك طبعا وفى الاغلب بيبقى بنوك او شركات محترمة (دا لو محاسبة انما باقى الاقسام فمجالاتهم قليله شويةبس برضو ممكن من خلالهم تشتغل فى بنوك )
3-هو فى كام واحد بيعرف يجيب جيد جدا و امتياز ؟
(بجد)
موضوع التقدير دا بيبقى بمزاج الدكتور يعنى ممكن تبقى حالل امتياز وتجيب جيد او مقبول بس ماتخافش يعنى ان الله لا يضيع اجر من احسن عملا ذاكر واعمل اللى عليك وهتجيب التقدير
أنت أجدع واحد شوفته فى حياتى على فكرة